برغم الاهمال: كله تمام وكله في السليم
 

مبنى قديم متهالك آيل للسقوط, يراه الجميع في غدوهم ورواحهم ولا احد يفعل بشأنه شيء, صدر ضده قرار ازالة, ولم ينفذ.
المبنى سقط, وراح العديد من الضحايا, والسبب: اهمال تنفيذ القانون.
ولما المسئول يمر:
كله تمام ياباشا

(2)
اضواء الشوارع مضاءة بالنهار, ومطفأة بالليل, فتزداد حوادث السيارات والسرقات.
ولما المسئول يسأل:
الامن مستتب سعادتك

(3)
مريض في العناية المركزة, اجرى جراحة خطيرة, ولديه ازمة في التنفس, يظل على هذا الوضع ساعات, ولا يسعفونه الا عند اقتراب موعد الزيارة
ولو كان جرى له حاجة:
هو السبب عشان تعب

(4)
قطارات تحترق, وتصطدم ببعضها, وعند الفحص والتحقيق, يكتشفوا انها متهالكة وغير صالحة للاستخدام الآدمي
ولما يقدموا التقرير:
كله في السليم يافندم

(5)
اباء يتركون ابناءهم, لايهتمون بهم, ولايعرفون اخبارهم, فقط يظنون ان كل مايحتاجونه هو النقود, والنتيجة ضياع الاولاد وانحرافهم
والسبب:
اهمال مع سبق الاصرار والترصد


الاهمال: صوره عديدة, يتغلغل في حياتنا كالسرطان, يفسد كل امورنا, ونغذيه بتهاوننا.
نخاف ان نبحث عنه ونخاف ان نعالجه, وكل فرد يقول:وانا مالي انا مش عايش فيها لوحدي
ماهو عشان مش عايش فيها لوحدك ماينفعش تشوف غلط وتسكت

ماالسبب في ان الاهمال صار العنوان الرئيسي لحياتنا؟
ماذا فعلنا لنتغلب عليه؟
هل اذا رأيت صورة من صور الاهمال واضحة امامك ستغض الطرف عنها, وتقول: وانا مالي؟
ولا هتكتب في تقريرك: الامور عال وكل حاجة زي الفل؟

ده يرجع للمستوى الفكرى والبيئى لكل واحد
للاسف الموازين اختلت والوحش بقى اكتر من الحلو
الانسان الكويس بقى غريب فى الزمن ده

و الله عندك حق دلوقتى لو انت عملت الصح تلاقى الناس كلها قلبت عليك ولو نافقت تلاقى نفسك تعلى فى المكان اللى بتشتغل فيه فعلا المجتمع باظ

يا عم دلوقتى كل حاجة بقت هيصة

ياعمى طب شوف نت دى
واحنا فى وسط البلد قدام سينما مترو بتكون واخده الرصيف كلوا ناس علشان زحمه فبتكون مقفولا
احنا مصريين بنعدى من عليها عادى وبنخبط فى الزحمه علشان نعدى مش هيحصل حاجه ما احنا شباب و الحكومه حطه حواجز على اول الرصيف وممنوع الماشى فى نص الطريق علشان العربيات تعرف تمشى و جه ناس اجانب موزز وانت عارف بقى ماقولكش
المفروض انهم يعدوا من نص الشارع علشان التحرش و انت عارف بقىة المصريين بيكونوا عاملين ازاى مع الاجانب فى العسكر الاورنى رفض يعديهم من نص الشارع وقال لازم يمشوا فى الزحمه المقفوله
طبعا اول لما دخلوا كل اللى كانوا على باب السينما نفضوا لام السينما و وماقولكش
السينما بقيت فاضياااااااااا
والناس كلهم وراهم وانت عارف بقى اللى بيحصل وبزات مع الاجانب علشان مش بيحسوا واخديين على كده
فاهمنى انت صح والله عسكرى معندوش دم نهائى و السعب المصرى ده يستحق اللى بيحصل فيه والله ويستحق انهم يبصولنا بسخريه والله
والعسكرى يقول لامين الشرطه تمام يا باشا

و الله عندك حق انا بشوف حاجات من دى كتيير يعنى انا مرة كنا واقفين ادام باب المدرسة فعدت واحدة اجنبية مقولكش على اللى حصل لقيت المدرسة كلها فضيت بقى مفيهاش طالب واحد والامن والمدرسين واقفين عادى مفيش حاجة

حسبى الله ونعم الوكيل
كلمة ارفع بها امرى
واصبر بها نفسى