الموقع العربي الاول للعبة Silkroad Online - حصرىا على سيلكرود 4 ارب ( دوره برمجه بلغه vb.net من الصفر الى الاحتراف ) تمهيد

بسم الله الرحمن الرحيم

صلو ع النبى يا رجالتنا

انا عملت موضوع من قريب علشان يعملولنا قسم برمجه و كده ف كله قال اشتغلو فى قسم البرامج العامه و لو اثبتو مكانكو ك مبرمجين هنعملكو قسم

ده يعتبر السبب الى خلانى اعمل الدوره

طيب ليه انا عملتها vb.net و انا قلت فى موضوع ليا قبل كده انها لغه اطفال !!

انا عملته vb.net علشان سهله اوى اوى للفهم و هتساعدك فى انك تعرف يعنى ايه برمجه و بنيه لغه البرمجه الاساسيه

يعنى ايه الى هيحصل بعدها

هعمل كمان دوره #C ,, يعنى بطلع بالمستوى شويه شويه

طب بعد ال #C

احتمال 40% اعمل دوره ++C :(9):

ليه احتمال 40% لانى مش خبره اوى فى ال ++C ( مش ال C++.NET )

ف ربنا يسهل يعنى ^_^

نبدا ايه هيا لغات البرمجه و ليه انا بحب البرمجه

لغات البرمجه هما كتير اوى بس اشهرهم

C , C++ , C# , VB , VB.Net , Java , Pascal , Delphe , Php , Javascript

فى بقى لغات مش مشهوره زى لغه شلل اسمها ج xD
ايوا لغه برمجه عربيه بس بعيد عنكو حاجه زفت !

1-ليه بدات vb.net و مش بدات #C علطول مع ان ده اسهل عليا :-

*- علشان انا حنين xD
ههههههههههههه يعنى مش عاوز ادخلكو فى متاهات و رموز علطول ال سى شارب فيها شويه رموز انما فى بى دوت نت قشطه كله كلام لغه سهله اوى و هتتعلموها بسرعه ان شاء الله بس تابعو
*- علشان عاوز اعمل طقم مبرمجين كويستن يكوونو فاهمين مش الاسم مبرمجين و خلاص ( علشان يرضو يعملولنا قسم )

ملحوظه -- كل الكلام الى فى الدروس و الاكواد و كل حاجه كل حاجه انا الى كاتبها يعنى ممنوع النقل من غير ذكر المصدر اشطه علشان منزعلش ^_^

2-ليه انشاء الله بعد م الدوره دى تخلص هعمل دورات تانيه فى لغات تانيه !!؟

لانى بدات ب الاسهل و بنتهى ب الاصعب
طيب اكيد فى مقابل فى السهوله دى صح ولا ايه !؟

المقابل هوا القوه يا رجاله
ايوا vb.net دى اضعف لغه فيهم بعدين #C بعدين اقوى لغه برمجه فى تاريخ اى حاجه ++C ( او بعد الاسمبلى )

انا اعرف واحد راسل مخترع لغه ++C و ساله عن سر قوتها و كده ف الجدع ده قاله " باختصار مفيش اى لغه بتقدم حاجه ++C مش بتقدمها , و فى لغات كتير ظهرت قبلها و بعدها بس مفيش حاجه عارفه تمحيها او تقلل من عدد مستخدميها )

المهم نرجع ل موضوعنا :
مميزات vb.net :-
دعم ال optional parameters - هنعرف يعنى ايه بعدين - و مش موجوده فى #C
with موجوده فى vb.net و مش موجوده فى #C
vb.net بتعمل compile للكود من غير باك جراوند و دى تعتبر ميزه فى البرامج الصغيره بس مع البرامج الكبيره ده مصيبه هتلاحظ بطئ البرنامج بتاعك و طبعا انت ك مبرمج مش عاوز المستخدم يشتمك ^_^
مميزات #C :-
بتدعم حاجه اسمها unsigned types موجوده فى vb.net بس مش اساسيه فى اللغه
الميزه التانيه الى انا شايفها احلى حاجه فى #C حاجه اسمها unsafe و unmaneged code و دى بقى حاجه خرافه بتسمحلك بعمل حاجه اسمها المؤشرت ( هنشرحها بالتفصيل فى ++C )
و بكده #C تكون low-level language
واحد يجى يقولى ايه ده لغه منخفضه المستوى ايه ده يا عم لا انا هتعلم vb.net علشان مرتفعه المستوى
يا معلم اللغه المنخفضه احسن من المرتفعه :(117):
ايوا يا عم المنخفضه احسن من المرتفعه
* اللغات منخفضه المستوى زى Assembly & ++C دول الى معمول بيهم نظام ويندور ^_^ ,, و قرات قبل كده عن OS معمول ب #C بس مش عارف بقى بصراحه ال Core معمول ب #C برضو ولا لا ...

مش هتلاقى increment و decrement فى vb.net
يعنى لازم تكتب الكود كده

كود PHP:


		
			
M=M+1

M=M-1

فى #C تقدر تعمل كده ..

كود PHP:


		
			
M++; 

M--;

الخاصيه sizeof موجوده فى #C و مش موجوده فى vb.net

مميزات ++C

لا تعليق :(20):

كفايه انها native language يعنى بتشتغل من غير net framework و بالتالى فهيا بتشتغل على اى OS ويندوز لينيكس عفريت ازرق شغاله فى اى حاجه

low-level language

و بالرغم من ان خبرتى فيها مش زى خبرتى فى اللغتبن الى فوق بحبها اوىىى و بحس ان دى لغه البرمجه الى بجد

( انا بتكلم عن ال Standard C++ مش C++.Net )

هممممم مش لاقى كلام تمهيدى تانى اكتبه بس يعنى يا ريت هوا طلب رخم شويه الى مشترك فى الدوره يكتب رد " مشترك " و يحط لينك الدوره و " انا مشترك فى دوره البرمجه بلغه VB.Net "

ده بعد اذنكو طبعا مش علشان حاجه والله علشان اعرف بس مين معانا - انا مش عامل الدوره ل نفسى - و علشان الاعضاء الى مش بيدخلو قسم الحمايه يعرفو ان فى دوره هناك ...

طب هنشتغل على ايه

ممكن تحمل visual basic 2010 ده مؤقتا لاننا لما ندخل فى ال #C هنحتاج نحمل visual C# ف ممكن تريح دماغك و تحمل MS Visual Studio 2010 ده فى كل لغات البرمجه المدعومه من ميكروسوفت

و يا ريت لو فى عضو كمان مخضرم فى ال vb.net يقولى علشان يشارك معايا فى الشرح و كده
* صعب الشغل فى المدارس *

و بالبسبه للتنسيق و مظهر الموضوع انا مليش فى بقى انا بعلمكو و الى مش عاجبو يمشى ^_^

بهزر طبعا الاعضاء كلهم فوق راسى الى علمونى و استفدت منهم بس انا زهقت من الكتابه مش هيبقى كتابه و تنسيق :(138):
و كمان انا مش بعرف اختار الوان :(52):

ليه انا بحب البرمجه م بكتب مواضيع كتير عنها !!

بكتب مواضيع كتير عنها لانى بجد بحاول افيد الاعضاء زى و استفدت منهم

بحبها بقى باختصار لانى بحس انى ساحر
ايوا مسيطر ع اللغه و بعمل بيها الى انا عاوزه
مش هيا الى مسيطره عليا !

و بكده نكون اتكلمنا فى اول جزء فى الدوره ايه هيا البرمجه عموما ( التمهيدى ) و اى غلطه يا ريت تسامحونا فيها ^ ^
انتظرونا بقى فى الجزء الاول من الدوره بجد بكره و ربنا معانا

مع السلامه :)