|
أخطر كلام سمعتو من تامر حسنى
السلام عليكم ورحمه الله:
أولا قبل منخوش فى الموضوع أحب ابين حاجه أنا ولا بسمع أغانى ولا أعرف مطربين لآن أنا بعتقد إن الأغانى حرام بغض النظر عن الاغانى حلال ولا حرام ده ميش موضوعنا الموضوع اللى أنا عاوز أتكلم فيه هو عباره عن سؤال مهم جدا المفروض كل واحد فينا يسأل نفسه السؤال ده السؤال : إيه الحاجه التى تحتل تفكيرك خلال 24 ساعه ؟ السؤال ده سألتو مذيعه لتامر حسنى فى برنامج تلفزيونى وأنا بتابع وبشوف تامر حسنى حيجاوب بإيه بصيت فى ملامح وشو وهو بيتكلم ووالله توقعت حيجاوب بإيه ولما جاوب باللى كنت بفكر فيه والله الدمعه فرت من عينى أنا حسيبكم تشوفوا الفيديو بس ياريت ترجعوا علشان نكمل كلمنا: http://www.youtube.com/watch?v=DHQDx...eature=related شوفتو يا جماعه تامر حسنى بعد كل الشهره دى وحب الملاين ليه بيتمنا إيه؟ بيتمنا إنو ميمتش وهو مطرب أو بمعنى تانى يبطل يغنى أبل ميموت أنا تحليلى لكلامو إنو شايف إنو بيعمل حاجه غلط وهى الأغانى ونفسو يبطل أبل ميموت وده شاغل تفكيرو خلال 42 ساعه زى ما مطربين كتير تابوا من الغناء ومجرى حيتهم إتغير تماما طبعا الموضوع ده للنقاش لو حد شايف إن كلامى غلط يرد ونتناقش بغض النظر عن الأغانى حلال او حرام إنت شايف إن الأغانى صح ولا غلط؟؟ |
الاغاني حرام ولازم يتوب بسرعة قبل ما الوقت يفوت وشكرا ليك يا اخي
|
اه يا مان انا شوفت الفيديو ده قبل كده وبردوا الدمعه كانت هتفر من عينى
بس انا فعلا انا طول الوقت بسمع اغانى مع انى عارف ان الاغانى غلط بس هو قال ان مش ده اللى اخر حاجه نفسوا يوصلها قال فى حاجات تانيه عندوا اهم من الاغانى |
اقتباس:
بس كانت تعبيرات وشو كلها بتؤل نفسى أبطل أبل ما موت |
و الله انا مش بحب افتى موضوع الاغانى حلال او حرام دى بتعات دار الافتاء
انا مش هكدب عليك انا بسمع اغانى بس اغلبيتاه اجنبى اة ممكن كلها لان انا عندى برنامج بيجب كلمات الاغانى الاجنبى يعنى طريقة اتعلم بيها النطق |
عندك حق
|
شكرا"
|
انا بردو مش بحب افتى فى الحلال والحرام
بس انا اعتقد ان فى نوعية حلال ونوعية حرام سواء بقا دا زى ايه ودى زى ايه انا معرفش بس اكيد فى نوعية كده ونوعية كده ودليل كلامى الشيماء اخت الرسول فى الرضاعة كانت ولا زالت تغنى بعد اسلامها ودى حاجة خطيرة جدا مشكور |
اولا : الف شكر على الموضوع و فعلا انا حبيت تامر بعد الفيديو ده بس يا رب يكون صادق
ثانيا : في موضوع الأغاني الأغاني حرام حرام حرام شرعا و بأجماع جميع الأئمة و شيوخ الأسلام الا مفتي الديار المصريه علي جمعة علشان افتى فتوى بتقول ان الأغاني مش حرام و انوا بيسمع اغاني و طبعا ده راجل ماشي ورا الدولة اي حاجة تكون في صالح الدولة هيقولها و كمان دة اصلا محاسب درسله كام سنة في الأزهر و خلوه مفتي مش عارف ازاي |
مشكور على موضوعك الجميل يا مان
موضوع ان الاغانى حرام او مش حرام فهيا حرام بأتفاق الائمه و الصحابه و حمهور الفقهاء و دى حاجه معرفوه لان على ما أتذكر و الله اعلى و اعلم ان الرسول صلى الله عليه و سلم قال مقوله او حديث الله اعلى و اعلم فيبما معناه ان لا نتشبه بالكفار فى استعمال الالات الموسيقيه و قال و الله اعلى و اعلم من هذه الالات الهارب و القانون و الالات المستخدمه فى هذا الوقت اما الالات المستحب استخدمها فى المديح او الغناء فى حب الله و رسوله صلى الله عليه وسلم هو الدف و هو مالم يتم تحريمه و استحب استخدامه فقط دون اى الالات ثانيه و الله اعلى و اعلم بكل شىء تقبل مرورى و تحياتى لكاتب الموضوع |
تشكر علي الموضوع يااخي بس اسمحلي عندي تعقيب بسيط عن اخر جملة في الموضوع :) اقتباس:
عشان مع احترامي ليك لو بقت الناس بتشوف بغض النظر عن حلال او حرام لبقي كل واحد من البشر شيخ ومفتي للديار :d وبقي كل واحد ماشي زي مايشوف مش زي مابيعرف من عقيدتنا الاسلامية الي بينت لينا الحلال والحرام .. وربنا يكرم تامر بلي نفسه فيه :) .. |
اقتباس:
بس أنا حبيت أشد الناس للكلام فى الموضوع ميش أكتر علشن لما منأول حلال وحرام الكل بيفتى باللى يحبو معلش فى الكلمه دى وكمان أنا أولت فى البدايه إن أنا بعتقد إن الأغانى حرام بعتقد بمعنى متاكد وعلى يقين بس أنا كان أصدى إن الفاكر إنها حلال بس بيعتقد إنها غلط يراجع نفسوا ويؤل هو فى حاجه غلط ممكن تكون حلال بس ميش أكتر وجزاك الله خيرا على الرد |
| الساعة الآن 08:22 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.