اتخنقت من اللعبه
 

انا وصلت lvl 120 في اللعبه ب 6 acc
بس الواحد مخنوق من ال pt
مفيش جديد دلوقتي اللعبه عشان تبقي جامد فيها لازم $$$$
زمان كان الجامد في اللعبه بدماغه قبل فلوسه كان سهل انك تلاقي الايتيمز الجامده وتظبطها وتبيعها او تستخدمها
كان الجوب جميل جدا وممتع
كان الpvp بيعتمد علي قدره فهمك للشخصيه اللي بتلعب بيها وتظبيطيك ليها دلوقتي يجي عيل رخم مكملش 15 سنه
ولابس full legend +10 وسعات اكتر من كده ويكون معاه سلاح +12 ويجي يديلك 1 Hit حاجه تخنق اه الواحد ممكن يفوز عليه بس بصعويه جدا كفايه انه لابس لبس الجوب كله بلو واكيد صارف عليه كتير اوي ^^
بصراحه اللعبه خنيقه جدا من اول ما جه ابديت D12 وكل شويه يجيبوا حاجه جديده بفلوس جديده
يرحم ايام ما كانت اللعيه عشان تتدخلها لازم تفضل صاحي لحد الساعه 2 بالليل عشان يفضي 10 اماكن في السيرفر
ومكانش في حاجه اسمها بوت يرحم ايامك يا لورد ياركن :D

انا نفسي العب سيلك رود 2 بس مشكله اللغه دي حاجه خنيقه
اكيد انك تلعب اللعبه من اول الناس هتفرق معاك جامد وكمان اي لعبه بتبقي جميله في الاول
انا فاكر اول ما فتحت سيلك رود الواحد اول ما يشوفها يتخطف كده والله انا يمكن معلم اللعبه دي ل30 واحد لما كنت فاتح سيبر جديد الكلام ده من 8 سنين بصراحه كانت ايام جميله وعموما اللعبه الاون لاين لازم عشان تبقي حلوه يبقي معاك صدقات فيها كتير بس سيلك رود 2 دي هتكلم مين فيها واصلا ازاي هتكلمه صيني !
وبعدين جوي ماكس مش بتقدم اي حلول لمشاكل اللعبه كل همها الفلوس ومش مهم التطوير ولا اي حاجه يا راجل الواحد كان مستني الحضاره العربيه من يجي اربع سنين يا عباد الله ولسه لحد دلوقتي متفتحتش شكلها اصلا كدبه كبيره وخلاص

موت ياحمار :shy:

عارف انت حوار الفورترس ده اول ما نزل كان جامد وكان كل الناس بتستناه وكمان الواحد كان بيظبط اليونيون قبل الجيلد بتاعه وكانت خطط هجوم ودفاع وكان ممكن تلاقي الفورترس مليان ومفيش مكان تخش منه دلوقتي فيه كذا فورترس وبقي ضعيف جدا لدرجه ان الناس ممكن تاخد الفورترس ببارتي واحد بس طيب والله العظيم انا اخدت فورترس جانجان ببارتي واحد يا عباد الله بصراحه اي تحديث للفورتس من مدن جديده ملهوش اي لازمه :icon11:
طيب علي الاقل سيبك من ده كله سؤالي هيبقي واضح ومحدد ايه اللي يخليك مشدود للعبه حاليا !!

انا عاندي الفرترس لسه زي مهوه
علفكره احنه خسرنه الفرترس واحنه 8 بارتي الاسبوع الي فات
كان قدامنه union full 3 Guild
عملوا اتاك علي كل التمر في وقت واحد مكناش عارفين نحمي اه ولا اه تفرقنا والفرقه ضعف
بس متحلفينهم اتفقنه مع اليونيون ندخل نربيهم والله زي مهوه بع الاكونت عاندك وتعاله السرفر بتاعي
انا لسه مكمل في العبه بسبب الفورترس:hitler:

يا عالم قوقوه لازم تفتكروه اننا هنفضل موده في الزمن ده و بعدين هنموت علشان كده لازم نضيع الوقت في حاجه موفيده مش لعب و بعدين سلكرود بتاخد الوقت كلوه
لازم نتجهه للدين شويه و نشوف حياتناه .. مش كلها لعب انتو كده هتبقوه جيل فاشل و الله
و هتلاقوه مشاكل في اسرتكم و لمه تكبروه هتندموه ع كل ثانيه عدت عليكم كده:hammer::hammer:

الحمد لله الواحد بينه وبين ربنا في عمار كل الحكايه انه ممكن يبقي عايز يلعب يعني ماجرمش مش فاهم ايه الغلط في كده هي لعبه بنحبها ومكملين فيها مش كتر وبعدي ده كل فين وفين مش 24 ساعه

لو سمحتم لي بالكلام
لاكن المشكله الحقيقيه العجز الكامل لجوي ماكس من جزب الاشخاص
يعني مثلا الايفون و الاندرويد
قدرت الاندرويد تتفوق على نظام من اروع الانظمه التي كانت موجوده وده عشان التقدير من الشركه لاحتياجات مستهلكيها
نرجع تاني لجوي ماكس هيه كانت تقدر تعمل حجات افضل من الهبل الي بتعملو
كانت تقدر تخلي الناس تسيب جميع السيرفرات الخاصه وترجعلها تاني
لاكن المشكله الحقيقيه في الملل الذي اصبح ملازما لسلك رود حاليا من قلة تطوير للجرافيك ضياع المتعه في الهانتر و الثيف و التريده
والاهتمام فقط بالفلوس
ولو استمرت هكذا يبقى السيرفر انتهى اكلينيكيا
واسف على الاطاله
تقبل مروري