الرد على رد ™MidoGhost™ فى موضوع خطوات الشيطان(متجدد)بحقوق المنتدى
بسم الله اخى الحبيب
العلماء لما يجي يتكلموا فى حاجة بيتكلموا كلام محدد لما يبدو جيز الأشياء واحد يجى ياخد زاوية من كلمهم ويطبقه على كلامه هو
العلماء قالولك مفيش مانع فى الأفراح فى الغنى والنبى أمر به وفى الأعياد مش قال لأبو بكر احنا فى يوم عيد وقالوا ابعت مش عارف ايه مغنية تغنيلهم وايه كمان قالك كذلك الأعمال الشاقة بيقعدوا ينشدوا ولذلك تلاقى كل جماعة بيعملوا اعمال شاقة بيقولوا نشيد والنشيد ده ليه ليطربوا انفسهم فينسوا متاعب العمل ، والى بيعمل نشيد علشان يديك حماس فى الحرب ومش عارف ايه وإلى اخره مقبول ولا مش مقبول ده.. يبقى ده مقبول ، إذا كل شئ له غرض نبيل مش وحش حلال ، الغناء مش كله وحش النص بتاع الغناء فى منه وحش فإذا الغناء اهاج غرائزاً يبقى حرام ليييه ، قالك لأن الله يعلم ان طبيعة الغرائز فى الإنسان اسمها غريزة غريزة لها عمل فى حياتك وتفاعل من غير اى حاجة فامتهيجش الغريزة بغير طاقة الغريزة فإذا كان المغنى يهيج غرائز الناس فهو باطل زى الى معرفش ايه يوصف المرأة فى الأغنية معرفش وسطها وعينها ومش عارف ده طبعاً باطل حتى لو من غير غناء ومره يبقى باطل لأنه يستعمل غير الصوت اشيائاً اخرى زى الراقصات الى بنشوفها .
إذا فالنص المهيج الذى يخرج الإنسان عن وقاره وعن رزانته فهو باطل
يبقى إذا انت الحكم فى كل ذلك إنما مثلاً فى الأفراح الحاجات دى بتبقى مره يعنى يغنوا للبت يبسطوها .
إذا فمنقعتدش ندخل فى دى حرام والحلال الموسيقى لا مش عارف إيه والله يا سيدى كل واحد حكم فى نفسه
قال ياسيدى شوفت ناس فى الخارج محترمين وناس مراكز ويقعد يسمع المغنى ده ويجبى راقصة بالله عليك ده خرج عن وقارة ولا لم يخرج
إذا ف دى مسألة كل واحد لازم يبقى حكم فيها
إذا فالمسألة مش عايزة ان احنا نتفلسف ونقولك الغنى والآلات ومش عارف ايه
كل شئ يخرج الإنسان عن سمت اعتداله ووقاره يبقى حرام