زهقان :(
 

معلش يا جماعة يمكن انا مبشاركش على المنتدى كتير وده طبعا لاني ببقى مشغول في الدراسه شويتين
يمكن هيا مشكله شخصيه او عامه مش عارف فعلا
انا اسمي احمد
انا ليا اصحاب كتير قوي زي اخواتي بالظبط لاني مليش اخوات ودايما كنت مشهور ان ليا اصحاب كتير وان علاقتي بيهم قويه جدا
طبعا اول ما دخلت الكليه كله اتغير بقيت حاسس ان كل يوم بخسر حد من صحابي وكأن ده بقى العادي انا دلوقتي بقيت حاسس اني بارد جدا وان مبقاش يفرق معايا حد للاسف من اللي شفته منهم
يا ريت يا جماعه تفيدوني وتقولولي المشكله فين بالظبط لاني تعبت نفسيا من تصرفات الناس اللي من غير سبب دي :(

الدنيا بتغير الناس..و الواحد في ثانوية غير لما يكون في كلية غير لما يتخرج.

كل واحد و وراه مشاغله في الدنيا..مش شرط ان كل أصحابك اللي في ثانوي هتشوفهم على طول بعد الكلية..مش كلهم هيدخلوا نفس الكلية معاك ولا حتى نفس الجامعة.

دا غير ان أغلبية الناس بيبقى عليها ضغط نفسي من ناحية الكلية و من ناحية الحياة العملية لأن المسؤوليات بتزيد كل ما تتقدم في السن.. و الضغط النفسي دا كفيل بأنه يبهدل الإنسان لو ما قاومش.

و زي ما أصحابك راحوا كلياتهم و قابلوا ناس جداد و اتصاحبوا عليهم..لازم انتا برضو تعمل كده..ما تبقاش متعلق بالماضي وفكر في مستقبلك..

و ربنا معاك و معانا :)