خطة جهنمية
 

بعد سنين خبره في التعامل مع المدرسه و قريب الجامعه
معانا النهارده دليل هيسهلك حياتك الدراسيه
الدليل
(طريقك للنجاح صدقني اه )
اعزائنا الطلبه
افكسوا للبرامج التعليميه افكسوا للكائن الذي يدعى بالمدرس
خليك ورايا يا مان و انت مش هتندم
هنخلي الدراسه عسل
هنخليك تتغلب على المتاعب اليوميه اللي سعدتك بتقابلها
اتبع الدليل هو المرشد ليك في حياتك الدراسيه
طبعا دليلنا زي ما هو الواضح من اسمه طريقك للنجاح
و يتميز بقوه تعليميه جباره


القواعد الذهبيه للدليل
مرواحك للمدرسه كانها رحله او نزهه يعني رايح تتفسح
لو زهقت حقك في الدستور انك تسيب المدرسه براحتك
....
القاعده الذهبيه لاي ناجح و اي طالب على الكره الارضيه
العلم في الراس مش في الكراس
....
الامتحانات دي مرحله عابره و الدستور يكفل بحرية الراي
يعني لو مش تجاوب متجاوبش
لو مش تروح الامتحان خالص براحتك الدستور معاك
....
بعد ترسيخ القواعد الذهبيه دي للتعامل مع الاخوه الاعداء
(المدرسه و المدرسين )
ثانيا
هيبدا الدليل بعرض مواقف عليك بتتعرض ليها في حياتك
اليوميه و هنحطلك الحلول المثاليه
لكل مشكله
اول موقف
خلصت انت مذاكره خلاص و اتعشيت و شربت البن
و مامتك نيمتك
طبعا هتخرج هي و بابا يسهروا
طبعا انت يجب ان تثتسمر وقتك باحسن الطرق
و هنا هنستخدم الحكمه الجميله (ان غاب القط العب يا فار )
تخرج و تتفرج على فيلم بتاع بروس ويلز الجديد
و بعديها على فيلم الرعب اللي اسمه المنشار
لكن هتقولي و المدرسه يا عم
متروحش يا عم و زي ما الحكمه ما بتقول
_شعره من جلد الخنزير مكسب _سهله
لكن لأ لازم تروح لاسباب عديده
ابوك قاعد في البيت موارهوش حاجه
مرتب مع صحابك على دور كوتشينه
طبعا لازم تتنازل شويه و امرك لله روح المدرسه
بس اصحى زي ما انت عايز تتعب اعصابك على الفاضي ليه
المدرسه وقفه مستنيه مش هتروح حته صح ؟
هتصحى على الساعه 8 و نص تلبس و تاكل الخ
هتروح اوبا زعيم العصابه واقف (المدير
و القاعده (المدرسه ) محاصره بالمدرسين مدججين بالسلاح _عصيان و خراطيم_ لكن متخافش في فتحه من الناحيه التانيه
تدخل خلي بالك انت دلوقت في ارض العدو
تبص يمين وشمال و تمشي بخفه
طبعا انت تتبع الدليل ادارى في اي حته و طلع العده التنكريه
بعد التنكر في شكل الداده هتمشي مرتاح شويه
و هتفضل ماشي مستريح لحد ما توصل بامان للفصل
و تقلع لبس التنكر
طبعا الطلبه الذكيه بتوعنا كتفوا المدرس و سندوا بيه باب الفصل
تلعبوا شويه كوتشينه
و لكن
الطلبه بتوعنا المدربين سمعو تحركات مريبه بره الفصل
طبعا دي تعبئه عامه من المدرسين
على طول الطلبه المدربيبن بتوعنا هيقسموا نفسهم
2 لحماية و تامين المدخل
و 3 هيعملوا على نشر القضبان
و2 يجمعوا ورق الكوتشينه و حفظ الادوار
طبعا تستخدموا الاستاذ المتكتف كدرع بشري لتلقي ضربات سلاح المدرسين
و في لحظه مهيبه تتجلى شجاعة الطلبه بتوعنا الكومانوز
في النط من الشبابيك
يااااااااااااااااااااااه كانك في حرب التحرير بالظبط
بعد الهبوط
يجي المنفعه الوحيده للتدخين هترشي بيها عم جميل الفراش
علشان يجهز ليكوا العجل للهروب
طبعا انت دفعت مبلغ كبيييييييييير في الرشوه
بس مش مشكله
بعد هذا الهروب العظيم
هتقعد تفتكر اد ايه الدليل ده نفعك
بس بص
دي قواعد النط
تكون القفزه فيها ثبات و ثقه
اي طالب هينط في اي شارع لا انت تكون محدد مكان القفزه
(جنب مدرسة البنات الشارع فيه فاضي و امان

ههههههههههه الحمد لله انا خلصت
بس هقولها لاخويا الصغير

اصلى :D

ههههههههههههههههههههه
والله جامده اوى يا معلم
وشكرا على النصيحه
وجارى التجربه

مشكور ياباشا

ااعفو ^^

بعمل انا اصلا كده ايام ما بيبقى فى war بقط و امشر اروح احضروا

معدى انتا يا عم^^

والله يا رجالة الموضوع ده بلنسبالى فاكس انا بطلع من الباب قدام المدير و الناظر و المدرسيين كلهم ولا نط ولا يحزنون بس هى فكرة حلوة