الموقع العربي الاول للعبة Silkroad Online - تقولي ايه اللي خلاك تعمل الموضوع ده او افتكرت المنتدى ليه اصلاً اقولك معرفش =))

اولاً السلام عليكم

انا اكيد ناس كتير اوي من اللي هنا متعرفنيش انا راجل قديم حبتين والناس اللي فيECSRO هتفتكر TheLeader واللي في ZSZC Fire
هيفتكروا CrazyGirL و Elite مش فاكر إسمي فيها كان ايه بصراحه xD واللي في المنتدى هنا هيفتكروا عضويه Magic Girl

وكنت من الناس اللي تولت شرح بعض الـ tutorials اول ما موضوع عمل السيرفرات ده نزل وكانوا عاملين موضوع هنا إستفسارات وكنت بساعد الناس ومببخلش على حد بحاجه الحمد لله الواحد سمعته سابقاه وبقيت GA و Supporter و GM و Admin ( الواحد مر بكل المراحل ما شاء الله :D ) ولما لقيت الحوار لم بقى ومبقتش جايبه همها قولت انتبه شويه لدراستي بقى الواحد عايز يخلص ( الواحد مبقاش صغير ) فـ زي ما تقولوا كده حبيت اديكم نصيحه برضو إنك لو تعرف تسيب سرو كلها من دلوقتي سبها قبل ما مستقبلك يضيع ( اه والله مستقبلك ممكن يضيع ) لولا الواحد فاق بس في الأخر وانتبه لنفسه كان زماني ببيع حرنكش دلوقتي :roflmao:

فـ بدل ما تلعب مثلاً وتصرف فلوس او حتى لو هتلعب وتعمل حجات وتبيع مش شغل دايم ليك , احسن ليك إنك تتعلم حاجه مفيده ممكن تنفعك سواء في شغلك ولا دراستك وفعلاً موضوع السيرفرات والـ DB والبرمجه نفعني جداً لأن مجال دراستي development

فـ انا سايب سرو بقالي اكتر من سنه وشويه اهو والحمد لله وفعلاً مش عارف انا بعمل موضوع زي ده ليه ولا إيه اللي فكرني بالمنتدى ده اصلاً :v:

عموماً انا حبيت اسلم على الناس اللي تعرفني واللي متعرفنيش مش اكتر ;)