انت ليه مش بتمسك ايدي؟
 

حوار بين رجل وأمرأة على مر الزمان



أنت ليه مش بتمسك إيدي وإحنا ماشيين في الشارع؟'

' لأ بلاش...افرضي حد من قرايبك شافنا؟

والا حد من أصحاب أخوكي في الكليه؟

ان شاء الله يا حبيبتي بكره نتخطب وامسك إيديكي ادام الدنيا كلها'.

**************************

'أنت ليه مش بتمسك إيدي وإحنا ماشيين في الشارع؟'

'علشان مش عاوز حد يفتكر إننا علشان اتخطبنا هنصيع بقى

ونعيش حياتنا...وبعدين بصراحة كده أنا مستحرم

إن شاء الله بكره نتجوز وامسك إيدك وإنتي مراتي حبيبتي في الحلال '

**************************

'أنت ليه مش بتمسك إيدي وإحنا ماشيين في الشارع؟'

'يا حبيبتي إحنا مش مراهقين بقى هنمسك إيد بعض في الشارع وكده

.إحنا اتنين متجوزين ومحترمين وعندنا بيت نعمل فيه اللي عاوزين نعمله'.

**************************

'أنت ليه مش بتمسك إيدي وإحنا ماشيين في الشارع؟'

'يعني امسك إيدك والا امسك إيد البنت والا اشيل الأكياس د كلها؟!'

**************************

'أنت ليه مش بتمسك إيدي وإحنا ماشيين في الشارع؟'

'إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟



وماتت يا عينى من غير ما تحقق هدفها فى الحياة

وهو إنها تمسك إيده فى الشارع !!

Thanks ya man

lolz
جميل

يا يعني كل دا عشان يمسك ايديها........ههههههههههههههه

يا عينى خاب امل البنية ..... هة راجل تيييييت الصراحة بردو .... يلا شكرا على الايد قصدى الموضوع

ه هههههههه مشكور يامعلم

مشكور

بتزعلك كلمة فاشل يافاشل يافاشل هههههههه مشكور يامعلم

ههههه...يا خسارة !!