تنبيه
 

انا الى اعرفه ان القسم ده للاخبار بس ومكانش بينزل فيه اى مواضيع غير الاخبار الرسمية بس من joymax
دلوقتى ما شاء الله استفسارات واسئلة ونقاش وممكن تلاقى مسابقات كمان :111:
ارجو الاهتمام شوية من المشرفين انا بشوف كام واحد فيهم موجود وبيعلق فى المواضيع
انا عارف ان الكل مشغول الايام دى بس على الاقل الى موجود يحاول يظبط على قد ما يقدر
معلشى انا مش عايز حد يزعل منى بس عشان انا مش بدخل غير القسم ده وقسم ال sbot
وعايز اشوفه بطريقة احسن من كده

رد: تنبيه
 

رد: تنبيه
 

علي فكره كلام حضرتك صح 100% بس معليش الفتره دي عشان امتحانات :cop_download1:

رد: تنبيه
 

انت قولت بنفسك قسم الاخبار يعنى اخبار بس الى هيا ال notic الى بتنزل على موقع joymax
او الى بتنزل على صفحة اللعبة والايفنتات الجديدة وكده اى حاجة غير كده فى قسم مناقشات
وبعدين انا مقدرش ازعل منك وانا آسف لو كلامى زعلك :sorry:

تسلم يا جميل . الله يكون فى عون الجميع وبالتوفيق ان شاء الله :icon10:

رد: تنبيه
 

ارجع لقوانين قسم الاخبار انا مش لقيت حاجة فيه تمنع ان حد يشارك برأيه او مناقشة طالما شيء يخص اللعبة بالعكس ده بيخلي الناس تشارك اكتر وبيخلي فيه تشويق اكتر وزيادة لاعضاء المنتدي لان الكل بيشارك

رد: تنبيه
 

زمان كان اى موضوع مش اقل من عشرين مشاركة فيه حاليا مفيش حد بيتفاعل اصلا وبعدين انت اصلا موضوعك مخالف المفروض ينقل لقسم المناقشات مش هنا وبعدين استفسارات الاعضاء عن المشاكل الموجودة حاليا فى الجيم دى تعتبر اخبار وناس كتير بتهتم بيها عشان بتعرفهم اذا كانت المشكلة عندهم بس ولا من الجيم نفسه بلاش شغل حذف المواضيع والمشاركات خلوا الاعضاء تتفاعل المطلوب من المشرفين التنظيم بس مش اكتر ولا انت عاوزها صحرااا:lolabove:

رد: تنبيه
 

انا محبتش اقولها بشكل صريح بس انا مش شايفة فعلا اي فرق بين قسم الاخبار وقسم المناقشات لان لو القسم هيبقي اخبار معتمدة بس يبقي زيه زي جوجل ترجمة مجرد نقل الاخبار وترجمتها

في النهاية دي مجرد وجهة نظر واختلاف الاراء لا يفسد للود قضية

رد: تنبيه
 

لا فى فرق المواضيع فى قسم الاخبار بتكون غالبا اخبار او مشاكل فى الدخول او الايفنت والعادى ان المواضيع دى تكون اذا كانت عن الدخول او الايفنت فى قسم المناقشات والاستفسارات لكن بسبب سوء احوال اللعبة والمشاكل المتكررة اصبح قسم الاخبار اسهل مكان يوضح اذا كانت فى مشكلة فى الجيم واذا كانت عامة ولا خاصة وده سببه الاساسى ان المشرفين معظمهم بطلوا الجيم الا على فترات عشان كده مش بيكونوا عارفين بكل المشاكل وبالتالى الاعضاء بتتصرف و تنزل مواضيع بعشوائية وده محتاج تنظيم مش حذف