|
بخصوص موضوع السيرفرات
بسم اللة الرحمن الرحيم
الموضوع دة انا كنت مأجلة بقالى 3 اسابيع بس اعتقد هوا دة الوقت المناسب طبعا يا جماعة محدش فينا راضى عن وضع اللعبة خصوصا فى اخر 3 اسابيع انا ال 3 اسابيع اللى فاتو دول كنت متابع اللعبة من بعيد بحاول افهم المشكلة جاية منين بالظبط من اسبوعين بالظبط بعد الابديت انا فاكر ان السيرفرات اتملت فى اقل من نص ساعة بصراحة انا شكيت فى جوى ماكس انهم يكونو بيدخلو اعداد وهمية فى السيرفرات طبعا حد هيسألنى طب هما اية اللى هيخليهم يعملو دة اقول حضرتك انا من وجهة نظرى الموضوع بدأ كمحاولة منهم للقضاء على اللاج بعد كدة من وجهة نظرى الموضوع كان مقصود لاكثر من سبب طبعا منهم موضوع اللاج ثانيا خلينا نعقلها كدة واحسبوها زى م انا حسبتها دلوقتى لما يبقى فية 2 ايفنت محترمين هل دة كافى لانهم يخلو المقتدرين ماديا يشحنو سيلك (Prim Plus) طبعا حضرتك هتقولى لا غير كافى وانا معاك على فكرة بس لما انزل ب ايفنت Alchemy success 30% اظن كدا الموضوع بقى مغرى جدا خصوصا ان الحدث دة غالبا مبيتكررش غير مرة فى السنة وبتبقى هيصة فلو فرضنا ان التخمين دة صح ودة فعلا منظور الشركة فى الحالة دية هما فعلا وغالبا قدرو يحققو الهدف ان معظم اللاعبين يشحنو سيلك علشان ال (Prim+Proofs) وطبعا اللى مبيشحنش سيلك ع الاقل بيشترى بجولد وفى جميع الحالات هما اللى كسبانين لان ببساطة اللى بيبعلك السيلك ايتمز دية بجولد هوا بيشحن سيلك بكميات مهولة دية كانت مجرد وجهة نظر وكان توقعى ان بعد الاسبوعين دول لما الايفتس تخلص السيرفرات ترجع زى م كانت لان ببساطة هما عملو المصلحة واتعشت والحمد للة وتوقعت كمان ان يكون فى تعويض يعنى exp 300% مثلا بس الغريب ان جوى ماكس محدش سمعلهم صوت لحد ناو so! دة معناة اية! دة معناة ان مفيش غير حاجة من ال2 ي اما الشركة استحلت الموضوع ومفكرين ان الجيم ممكن ترجع زى زمان والناس تشحن سيلك ونص السيرفر يشتغل ببريميوم والكلام الفاضى دة والاحتمال دة صعب من وجهة نظرى لسببين اول سبب انة تفكير غير سليم بالمرة وتصرف غير حكيم لان زى م قولنا الاسبوعين ال 3 اللى فاتو كان فى دوافع كتير تخلى الناس تشحن سيلك لكن دلوقتى مفيش مبرر خصوصا ان معظم الناس فى العادى مبتكتفيش باكونت ولا 2 للاسف اقل حاجة من بارتى 8/8 وانت طالع والنقطة دية هنرجعلها تانى السبب الثانى ان انا تابعت السيرفرات النهاردة بعد الابديت ولاحظت انها اتملت بالتدريج مش زى م كان بيحصل يعنى بعد مرور نص ساعة من الابديت كانت السيرفرات الزحمة اوى فى الطبيعى زى hermes مثلا +2000 اما السيرفرات البافية فكان معظمهم فية +1000 لاعب واذكر ان فى سيرفر من السيرفرات لفت نظرى ان مكنش فية غير +500 دة تقريبا فى اول ربع ساعة تمام! طب الكلام دة معناة اية من وجهة نظرى! الكلام دة معناة ان السيرفرات على الاقل فى الوقت الحالى مفهاش اعداد وهمية او على الاقل الاعداد الوهمية لا تتجاوز ال 500 اكونت فى كل سيرفر على الحسبة دية اقدر اقولك ان فى سيرفرات ال 500 اكونت دول كافيين يخلوهم full زى hermes لانة فى العادى اصلا كان معظم الوقت 2700~3000/3500 ولكن فى سيرفرات تانية كانت غالبا مبتتعداش ال 2000~2500 شخص باى شكل من الاشكال ف ازاى كل السيرفرات دية ناو تتساوى طبعا لو مش هنشك فى ان الشركة بتلعب ودة اللى محدش بيتمناة خلينا نروح للاحتمال التانى واللى انا واثق انة لو محلش المشكلة بشكل كامل i mean ان حتى لو المشكلة كانت من الشركة او اى سبب مجهول ف الحل دة على الاقل هيحل ولو جزء من المشكلة طب اية الحل دة! ال Phbot ازاى! هقولك المفروض يكون فى عدد محدد من الاكونتات لكل IP مينفعش يبقى العدد غير محدود وكل واحد يفتح اكونتات على قد م ربنا يقدروا وطبعا الاتراك والاجانب بوجه عام اجهزتهم جبارة سواء من ناحية الامكانيات او النت اللى مبيفصلش او النور اللى مبيقطعش :D يالا يكش ربنا يكرمهم قولو امين او يكرمنا احنا ونبقى زيهم فبالتالى اللى بيدخل منهم الجيم مبيطلعش غير بالدم :D طبعا دة اصلا فى العادى عشان ال PTS Aw Stalls فما بالك بقى لما يكون كمان فى Styria Clash اللى هوا اصلا من غير حاجة كانت الجيم بتتملى كل جمعة وسبت بسببة زى الارينا زمان كدة ومكنش فى واحد بس بيكتفى باكونت واحد حتى لو هيسجل بايدة انا اذكر انى كنت لما اكون موجود بالصدفة فى وقت ال styria كنت بحاول ادخل for fun كدة زى so ok زمان لكن لو اتاخرت اكتر من دقيقة واحدة فى التسجيل لاى سبب دقيقة واحدة! بدون مبالغة مكنتش بقدر ادخل فما بالك بقى لما ال ph يوفرلهم الخاصية دية كمان يبقى اية المانع من انهم يرمو الاكونتات بالاسبوع! طبعا دة اذا متطرقناش لموضوع شركات الجولد بوت طبعا انتو زهقتم دة اذا اصلا حد كان كمل قراءة لحد هنا! :D واللة انا كمان تعبت من الكتابة المهم نخش فى الموضوع الحل دلوقتى من وجهة نظرى ان زى م قولنا يكون فى Limit IP زى السيرفرات الخاصة كدة لل Phbot مش عايزينة يبقى limit 2 account عشان عارف فى ناس بتتقمص :D متزعلش م انت برضو من حقك تفتح PT ولو فتحت 2 نستحملك 3 نيجى ع نفسنا شوية لكن اكتر من كدة بصراحة يبقى قلة ادب! ولا انتم رأيكم اية! طب والمطلوب! لو اقتنعت بكلامى على الاقل بجزئية ال Phbot يبقى المطلوب اننا نطلب دة من ال weeman انة يعمل limit IP بحد اقصى 30 اكونت! ممكن اقل يعنى 20 كويس بس انا بقول الحد الاقصى يكون 30 طب انت بعد الرغى دة كلو وبعد لما صدعتنا وقلبت علينا المواجع عايز اية! اية اللى انا اقدر اعملو دلوقتى كلاعب او كقارء للموضوع! هقولك انا ممكن اديلك لينك وندخل نعمل شكاوى بس فى حاجة اسمها اصول و بصراحة انا بحب النظام دة غير ان احنا ملناش حاجة عند ال WEEMAN يعنى منقدرش نجبرو على حاجة I MEAN ف احنا هنطلب دة بالزوق وبنظام ونصبر شوية لو النظام والادب مجبوش نتيجة نجرب قلة الادب وساعتها هيكون فى افكار كتير بأذن اللة واعتقد مش هنضطر نلجأ للاساليب دية بكدة المطلوب ناو مشرف يقوم بالخطوة دية بطريقة منظمة واحنا كلنا هنكون معاة ان شاء اللة يارب بقى حد يهتم واسف على الاطالة يا جماعة بس حبيت ان الموضوع يكون شامل وياريت كلنا نشارك ونحاول ننقذ ما تبقى من اللعبة والسلام عليكم ورحمة اللة وبركاتة |
رد: بخصوص موضوع السيرفرات
فعلا كلامك صح وهم اللى عاوزين كدا لو كلنا نبطل الجيم دا اسبوع وميلاقوش حد قد كدا حايحاولو يظبتو اللعبه شويه علشان كدا مينفعش
|
رد: بخصوص موضوع السيرفرات
كلام كلام سليم وى ويز يو
|
رد: بخصوص موضوع السيرفرات
تسلم علي المجهود ده وبصراحة كلام الي حد ما منطقي
بس اللعبة اتزحمت مرة واحدة وده معناه ان مكمكن يكون في سبب تاني لان استحالة كل اللي بيستخدموا البوت يعملوا اكونات ويدخلوا بيها في نفس اللحظة مش معقولة كولهم بيفكروا نفس النفكير |
رد: بخصوص موضوع السيرفرات
دا الى انا قولتو كفاية موضوع الstyira clash
الناس عندنا فاتحة الاكونت بتعتها فى hermes name xml guild 54 معرفش اية الواد دا كافر يجدعان انا شوفتلو يجى 400 اكونت وقفين فى سامر غير الجولد بوت الى شغلين فى الميرور واسكندرية الحل نجمع كدا ونخربها عليهم علشان معندهمش دم |
رد: بخصوص موضوع السيرفرات
اقتباس:
اقتباس:
اقتباس:
اقتباس:
|
رد: بخصوص موضوع السيرفرات
ينقل لقسم مناقشات عامة حول سلك رود
|
رد: بخصوص موضوع السيرفرات
انا معاكم فى اى حل اوك حتى لو اتحدد للدخول 10 اكونت انا موافق نص العما والا العما كله
|
رد: بخصوص موضوع السيرفرات
اقتباس:
بس مش عارف لية محدش مهتم معتقدش ان الفكرة غير مقنعة واضح ان احنا اللى بقينا سلبيين عايزين كل حاجة تتحل واحنا بنتفرج حتى لو فى ايدينا الحل! |
رد: بخصوص موضوع السيرفرات
مع احترامى للجميع الفكره جيده لكن البوت ده مش مجانى بعنى صاحب البوت بيستفاد من اللى بيستخدموه وبعد اللى حصل ناس كتير هتسيب الجيم او على الاقل مش هتشحن بوت علشان مش هتستفيد منه يبقى صاحب البوت بيخسر نفسه وهو اكيد مش عاوز كده يبقى اكيد مش ده السبب
|
رد: بخصوص موضوع السيرفرات
عندك حق ف كل اللي بتقوله بس سؤال هو ايه Styria Clash ولو ممكن يكون في شرح كامل و مفصل لـ Styria Clash و الارينا |
رد: بخصوص موضوع السيرفرات
اقتباس:
وبما ان الراجل زى م انت قولت مش عايز يخسر والحال دة اكيد مش عجبة لانى متأكد انو بيخسر او بمعنى اصح مبيكسبش زى من شهر فات فلما نقترح علية اقتراح زى دة فى صالح الجميع اعتقد مش هيعترض معلش طولت عليك بس حبيت اوضح كل النقط اقتباس:
وسيبك من الارينا راحت عليها زى ال so ok |
رد: بخصوص موضوع السيرفرات
طيب شوف هنبعت الشكوى ازاى ونظمها ونعملها تصويت للويمن
(*_*):mf_biggrinumbrella: |
رد: بخصوص موضوع السيرفرات
قول اي حل واحنا معاك ان شاء الله :jump::111 (27):
|
رد: بخصوص موضوع السيرفرات
اقتباس:
اقتباس:
|
| الساعة الآن 10:52 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.