ياجماعه ممكن تساعدونى فى مشكلتى العاطفيه ديه
 

:rolleyes: أنا بحب بنت جميله جدآ من أول مشفتهاوأنا حبيتها هيا معايا فى درس الإنجليزى و العربى وببقى هموت عشان أروح الدرسين دول و أشوفها أنا بصراحه كل مره بعد الدرس بمشى وراها عسان أعرف بيتها فين و بعد معرفت برضو كنت بمشى وراها عشان أطمن عليها يعنى وكمان أفضل شيفها المهم يعنى هيا فهمت إنى بمشى وراها مش عارف بقى فهمت إن أنا بحبها ولا لأ بس أنا بحاول ألمحلها ونفسى تفهم أد إيه أنا بحبها فأرجوكم تقلولى طريقه أعملها عشان تفهم

أنا عارف محدش هيفهمنى إلا ال حب بجد فأرجوكو ساعدونى

على فكرا أنا فى إعداديه

مع حبى أحمد

ههههههههههههههههههه

يا بختك انت اصلا مشكلتك سهل مش زيى
انت تكلمها عادى بعد الدرس وتقولها مافيهاش حاجه قالتلك لا
حول نفسك من مجموعه الدرس بس
مش اكتر وخليك شاطر فى المادتين دول ^^
يا بختك مشكلتك اسهل من السهوله

انا مع المعلم عمر فى رأيه خش عليها بقلب جامد
و انتا منين و فى مدرسة ايه؟ علشان احساسى بيقول انك من عندى^^

شكرآ يا جماعه بس أنا خايف تحرجنى و تقولى لأ أو تروح تقول للمستر تبقى رخمه برضو

لمل كنت في 3 اعدادي كنت بحب زيك بس اكتشفت ان الحاجات دي هيافات لسة وقتها مجاش

ايه يا عم الكلام الكبير ده
دانتا فاهم شغلك كويس دانتا تنفع دكتور و طريقتك حلوة حابقا اجربها انا باخد درس مع 3 موزز لوحدى^^ يعنى السكة فاضية انقى اللى انا عايزه :p

يا عم اعترفلهااااااااااااااا

3 اعدادي يعني شهادة ياناس
مينفعش فيها الكلام دا
سبها لبعد الامتحانات وافتكر حاجة واحدة
انها مش هتعجب بيك لو جبت مجموع ضعيف
النتيجة اهم حاجة الاول وبعد كدة الحب
دا مني ليك يا صديقي

شكرآ يا أحسن ناس

السلام عليكم ورحمة الله وبركاته
بص يابني
ماعلش الكلام دا وان كان هيوجعك ولا ان فيه مصلحتك

انت في الاعدادي
هتحب مرة واتنين ومليون
انت في مرحلة عدم استقرار عاطفي
بل انت لسه مادخلتش مرحلة المراهقة أصلا
حب ايه ياعم وبنت مين
طبيعي انك تعجب بواحدة قريبة منك بتشوفها كل يوم
انت فاهم يعني ايه واحد في سنك يحب ؟
صدقني اعتبرني زي أخوك الكبير
الموضوع كله مجرد نزوة عابرة
تعترف لمين وتقول ايه بس
خليك منطقي
وبعد ما تعترف
افترضنا انك اتشجعت وقلتلها
هترتاح يعني ؟
ولا أي حاجة من دا كله
دانت هتنشغل بزيادة
يابني الحب دا حاجة تانية خالص
انشغلت بواحدة لمجرد انها بتحضر معاك ي الددرس ؟
انت ل تعرف أخلقها ولا أدبها ولا دينها ولا ولا ولا ..
الأ الأ تقولي ياعم أنا مش عاوز اخطب
أقولك ترضى حد يمشي ورا أختك ويكلمها ؟
لو قبلت ياعم انا موافقك تكلمها
ولو قلت ماليش خوات بنات
أقولك بنت عمك أو بنت خالك . بنت خالتك المهم واحدة عزيزة وغالية عليك أوي
تخيل ان فيه واحد بيحاول يدخل حياتها
يابني انت في مرحلة سنية لسة ماتقدرش تحكم على الأمور
على فكرة أنا عندي 26 سنة
انت لو بتحبها صحيح سيبها لمصلحتها
لا الوقت ولا الضروف تسمح بارتباط
تتقولي مش ارتباط
يابني دا شيطان وانت شكلك بتعاني من فراغ
ولازم تصاحب حد أكبر منك يوعيك ويقف جنبك وياريت يكون أكبر منك بكتير ويستحب انه يكون متجوز
صدقني دا الحل الأحسن
ولو عاوز تمشي معاها أقولك تاني ترضى حد يعمل كده مع اختك ؟؟؟؟
أنا عارف ان كلامى هينزل عليك زي الرصاص
وهيصدمك وهيزعلك
متاكد من كده أنا بس هي دي الحقيقة
الانسان بيكون في صراع بين حاجتين
قلبه وعقله
1- القلب عاوز كل حاجة حلوة ليه مش مهم العواقب مثلا : (( بحبها وخلاص ))
2- العقل بيفكر للمستقبل و في كل شيء نافع

فكر بعقلك يابني قصدي يا أخي وانا تحت أمرك وده رقم موبايلي 0120644060 لو عاوزني في أي حاجة أنا تحت أمرك
وادعي ربنا انه يهديك لما فيه الخير

اقعد لوحدك في اوضة واعمل حوار بين قلبك وعقلك
وشوف كل واحد عاوز منها ايه
أكيد عقلك كبير وهتفهم وهيتغلب على النزوة الشيطانية دي


وصلى الله علي سيدنا محمد وعلى آله وصحبة وسلم

الله على الكلام الجميل
والله احسن كلام اتقال و احسن كلام سمعته لكل الناس اللى بتقول انا بحب
انتا صراحة جبت الكلام صح و بينت الحقيقة بحذافيرها
و مشكور ثانية و يا ريت صاحب الموضوع يستفيد منك

wow just wow im almost crying for what silver_moha sayed :O

المسلم للمسلم كالبنيان
 

شكرا يا مان على ردك
مش هقولك أنا ملاك
كلنا بنغلط
ودي فايدة الأصحاب
ان غلطه يقولك عليه علشان تستفيد منه انت
فيه بنات كتيرة مرت في حياتنا
ولما برجع أفتكر أنا كنت بعمل في نفسي كده ليه وعلشان ايه
أرجع أقول يااا انا كنت كده ؟
صدقني خد التجربة مني

ماتبهدلش قلبك علشان لما تحتاجه تلاقية