الموقع العربي الاول للعبة Silkroad Online - سيلك رود لم تعد صالحة للمستخدم المجانى

انا كنت بلعب سيلكرود من 2007 تقريبا :Emoji15:وكانت ساعتها اللعبة حية ومليانة ناس واصحاب كتير وبصراحة كانت اللعبة شيقة وممتعة بطريقة جامدة جداً ومعظم الناس أون لاين ومنافسة على يونيكات وحروب الجوب وطبعاً كل واحد بيستعرض بالاكونت بتاعه فى البى فى بي قدام بوابات المدن :Emoji4:.. وبعد كده بدأت اللعبة بالهبوط بنزول الديجرى 11 :Emoji27:والهبل بتاع جوي ماكس بتنزيل فئات كتيرة من الاسلحة فى الديجرى الواحد والاضافات والتعقيدات اللى فيها تكلف أفقد اللعبة رونقها .. وطبعاً خلال الوقت ده كنت بسيب اللعبة فترات كبيرة وبعد شوية أرجعلها واسيبها تانى وهكذا .. بس كانت سياسة اللعبة انها بتشجع المستخدم الاون لاين وبتحارب البوت :Emoji20:.. دلوقت أصبح الدخول المجانى للعبة تقريباً مستحيل ... لازم تقعد جنب الكمبيوتر لحد ماتخش علشان لو ماخدتش بالك لمدة دقيقتين ان الاكونت دخل هتاخد دسكونكت علطول .. وطبعاً استحالة تفضل قاعد مفنجل قدام شاشة اللعبة لمدة 4 ساعات مثلاً .. ولو قدرت تعمل كده ممكن على آخر 5 دقائق تروح تعمل حاجة والاكونت يكون دخل وتاخد دسكونكت :Emoji8::Emoji8:... يبقى كده نطلع بنتيجة نهائية أن ادارة اللعبة غيرت سياستها الى تشجيع البوت ومحاربة المستخدم العادى بالاضافة الى الطول الغير مبرر فى انتظار دخول اللعبة .. انا دخلت كتير بعد حوالى اربع ساعات وكنت بلاقى كل اليونيكات تقريباً فاضية والسيرفر الناس فيه مش كتير .. يبقى فى الآخر يا بطل انت محتاج اقل حاجة بريميوم 600 جنيه + 120 جنيه بوت = 720 جنيه شهرياً علشان تقعد تلفل فى اكونت فى الآخر مش هيتباع ولا هتستمتع باللعب بيه ضد ناس اصلا معدتش حد منهم اون لاين .. وبصوا على حال المنتدى هنا وانتوا هتعرفوا حال اللعبة وصل لايه :Emoji30::Emoji30: .. شكراً ليكوا وآسف على الاطالة