|
ازاى تبقى رذل فى الكلية ..................
ازاى تبقى رذل فى الكلية
فى الكلية هتقابل صاحبك وهتقعدوا على أى كافيه بقى هيجى الجارصون سيب صحبك يطلب الأول وبعدين استلم الجارصون بقى واديله نصيبه قوله عندك برجر ؟ هيقولك اه قوله حلو ؟ هيقولك تمام قوله اوك يبقى اكتب واحد شاورمة طب عندك كبده ؟ هيقولك ايوة قوله معمولة ازاى ؟ سيبه يرغى شوية وقوله انا اصلا مبحبش الكبدة فكك حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة ومتنساش تعيب على الأكل وأنت بتحاسب وكمان تقول الحساب غالى *_*_*_*_*_*_*_*_*_*_*_* فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم لو مسكتش أنا هقول للدكتور والحركة دى رذلة ومستفزة جدا بس اشطه يعنى وياسلام لو واحد وواحدة يبقى أنت كده جبت من الآخر لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا *_*_*_*_*_*_*_*_*_*_*_* عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن وبكده يبقى أنت مارست هوايتك وقضيت يوم رذل. ملحوظه صغيرة :لو انضربت انا مليش دعوة يوميات مشاغب ^^ |
يا جدع ده انا لو عملت كدة انا ممكن اترفض مش اترفض ده انا اموت عليا طار
يا جدع انت مؤذي والله:d اوعوا حد يسمع كلامه ويعمل كدة ده عيزكوا تتضربوا وتترفضوا |
رزل اخر حاجو دة انا لو عملت كدة الكلية كلها هتيجرى ورايا بالشباشب هههههههههه
|
اقتباس:
يا سيدي أنا مش أصدي ....إلموضوع دة على سبيل الهيذار ^^ |
ههههههههههههههههههههههههههه
|
هههههههههههههههههه هو كلة عاوز يخلى الناس تترفض او تضرب
|
هههههههههه حلوين اوى
|
غتاتاااااااااا طفو النورررررررررررر
انا بعمل كدا بس لما يكون واحد ويوحده اعدين معا بعض اعود اسالو علي اي حاجه ما لهاش لازما ولو غتت ائولو اصل انا اول مرا احضر d: |
هههههههههههههههه
ده واد رخم اوووووووى اووووووووى اوووووووووى |
انا رخم بس مش كده
|
ايه دا انا كنت غلبان فى الكلية على كده هههههههههههههههههههههه
|
ههههههههههههههههههههههه عسل
|
الحمد لله الواحد خلص كلية و مشفش حاجة كده , المهم خلى بالك وانت بتعمل كده لاحسن يطلعلك ميلودى تتحدى الملل و ساعتها ...................
........... :d |
انا عملتها مره واحده فى الجامعه كنت برخم على واد و بنت عايشين دور الحبيبه
المهم خلتهم يكروه اليوم اللى دخلوا فيه الجامعه و فى الاخر بعد ما اتخنقوا منى اتخنقوا مع بعض بس ليه ملحقتش اعرف السبب ^^ علشان مشيوا وسابوا المحاضره :) |
اجرب واشوف
|
| الساعة الآن 08:17 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.