|
عايز تقلع عن التدخين؟ ادخل بص
عايز تبطل تدخين ؟
اقرا كلامى و جرب من الاخر اغلى كأس حليب في قدر(اى حاجه زى ماتقولها) وبعد كده اغلى كأس ماء في قدر آخر ولما يوصلوا الاتنين لدرجة الغليان(يعنى تغليهم لحد مايتبخرا) يخلط كلاً من الحليب والماء في قدر آخر ويستنشق البخار الناتج من الخليط لمدة 10 دقائق تكرر هذه العملية لمدة 10 أيام متتالية ستخرج جميل الأوساخ العالقة في الرئتين بجميع ألوانها بطريقة مدهشة وكثيفةوبعد مضي فترة ال 10 أيام حتكره حاجه اسمها سجاير و حتكون مش طايق ريحتها الطريقة دى اتنقلت عن واحد جربها و هو أكد النتائج دىوبطل حاجه اسمهاتدخين نهائياًو بعد كده راح للدكتور بعد ا10 أيام بعد الفحص و الاشعه الدكتور اكد ان صاحب هذه الرئة لم يدخن طوال حياتوا ارجوا ان اكون افدتكم |
هوا الموضوع وحش للدرجة دى؟!
|
لو كلامك صح يبقى انتا هتكسب ثواب فيا
وعلى العموم مشكور على الموضوع وهجرب والرد عليك تحياتى |
اقتباس:
|
يا رب يكون كلام صحيح
|
اقتباس:
لو علي كده لتفلست شركة مالبورو صدقني :d مش في الرئتين او الحليب او البخار ياغالي ,و الحوار كله قاعد دماغ البني ادم والنكوتين الي شغال يكيف فيه دي من مجرب صدقني ^^ وبيقولك اسئل مجرب ولا تسئل دكتور :d ========== تشكر علي المحاولة عموماً |
اقتباس:
على رأى اسامه الموضوع مش موضوع اى مرض ولا و موضوع الرئتان لو فى اى شىء يخلى طعم السجاير وحش ممكن تقول عليه وانا اعماله عشان انا نفسى ابطل سجاير وكون انسان جديد وشكرا لك |
فعلا هي بتزود نسبه النيكوتين و المواد دي في الدم
فانت لما تبطل بتحس بالنقص عن النسبه الي الدم خد عليها فيبدا العصبيه و.. و.. و.. ( اثار ادمان اي ماده ) |
ههههههههههههههههه
تعرفو انا والله لو عاوز ابطلها هبطلها فى يوم ومشربها خالص انا قبل كدة بعد عنها حولى سنتين وكونت مبطلها فى يوم واحد اه والله ومت من الناوم قلت مش شارب اى حاجه خالص من الكيفات حد الشاى مش بقيت اشربو بس والله زى منتو شيفين اليام دى بقه عامله ازى والقرف بقه بتاع الشغل والمشكل العند الواحد خلتينى ارجعها من زهقى عشان تبطلو السجارة لزم اهم حاجه ان يكون عندك عزيمها قوية دى اهم حاجه لو عندك عزيمها ولا تقلى اجرب دة ولا دة انا والله لو عاوز ابطلها من بكرة هبطلها بس مستني شويت المشكل العندى والقرف النها فى انا اللحمد عندى عزيمها واللها بحمد ربنا على كدة انتو بقلكم اده ايه بتشربو سجايرة هشوف مين اكتر وحد بيشرب سجايرة |
يا جميل أنا قعدت 22 سنه بشرب سجاير وكنت بدخن مارلبورو أحمر نيكوتين 8 وقطران 6 وكنت بدخن حوالي علبه في اليوم من سنه كنت عاوز أبطل فقلت علي موضوع النيكوتين ده لازم أقلله واحده واحده من الجسم وفعلا فضلت أقلل عدد السجاير في اليوم وفعلا بقيت أدخن حوالي10 سجاير مارلبورو احمر وجه رمضان وقلت لازم أنتهز الفرصه وأقلل كمان وبالفعل بقوا 5 سجاير في اليوم وبعد رمضان رحت للدكتور وقلتله عاوز علاج لتبطيل التدخين فقالي بإن الجرعه اللي موجوده أقل جرعه النيكوتين بتاعها أكتر من عدد 5 سجاير باليوم وقالي أستمر علي التقليل احسن من الدواء وبالفعل قلت أقلل نسبه النيكوتين في السيجاره فبقيت ادخن مارلبورو إكسترا فلتر 3 نيكوتين وقطران 3 وبرضوا معدل السجاير زاد لإلي 10 في اليوم علشان أعوض شويه المارلبورو التقيله وبعدها بشهر قللت كمان لمارلبورو 1 نيكوتين و1 قطران وقللت عدد السجاير في اليوم تدريجيا إلي أن وصل إلي 2 سيجاره 1 نيكوتين و1 قطران وساعتها كنت مستعين بالله في مقاطعه البضائع الأمريكيه والأوروبيه نصره لإخواننا العرب في غزه فربنا كافأني بمقاطعه السجاير نهائيا والحمد لله علي نعم الله التي لا تعد ولا تحصى والإنسان بيدمر نفسه بنفسه في السجاير دي وقرفها الخلاصه إستعن بالله وكن مخلص بالإستعانه وإبدأبالفعل وسوف يقضي الله حاجتك وربنا يكره كل المسلمين فيها وينتقم من اللي بدعها أخوكم أحمد شفيق |
فعلا انا معاك يا استاذ احمد انا مش مجربه لكن الوالد كان بيدخن بشراهه
وبطل بالتدريج يعني هو كان بيشرب علبتين في اليوم يعني بمعدل كل نصف ساعه او ساعه بدأ يخليها كل ساعه ونصف بعد كده خلاها كل ساعتين .... وبعد كده كل ثلاثه وهكذا حتي وصل لاخر الامر ..................... مفيس سيكاره مفيش تدخين والحمد لله بس برضه لازم يكون عندك عزيمه زاصرار وصباحكم سكر |
انا مش هعرف افيد فى الموضوع دة عشان عمرى مشربت سجاير بس هقول لبابا ويجربها ممكن تعمل معاة شغل ويبطل خالص واهو انا أولى بالفلوس :d
|
مشكور ياباشا بص انا هقول لصحابى طريقه الاستاذ الفاضل احمد شفيق |
انا هدعيلك بجد لو نفعت معايا*_*
مشكوووووووور |
بصو يا رجالة أنا بجد نفسي كل الناس تبطل سجاير علشان محدش يشوف إلي أنا هحكيه دة أنا مش بشرب سجاير بس خالي <الله يرحمو> كان حريقة تعرفو إيه إلي حصلو جالو سرطان رئة وكان مطلوب عمليه إستئصال جزء من الرئة بس للئسف العملية منجحتش ومات وهو عندو ٤٩ سنة :(:(:( بجد بجد نفسي محدش يشوف إلي هو شافو علشان كان صعب أوي والله الله يحرق اصحاب شركات السجاير ذي ما بيحرقو قلوب الناس :mad::mad::mad::mad: |
| الساعة الآن 03:57 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.