احسن ناس فى Aege
 

من باب الاعتراف بالمعروف ورد الجميل
وعشان الناس دى تعبت معايا وطلع عنيها عقبال ما انا فهمت هههههههه
انا بعمل الموضوع ده عشان اشكرهم وده اقل واجب
وياريت اى واحد حد ساعده فى Aege يكتب هنا اسمه وساعده فى ايه
وانا هكتب الناس على حسب انا عرفت مين الاول


1-catpop lvl 62
حبيب قلبى واللى حببنى فى اللعبه واول واد جدع اشوفه
كان لفل 62 وكان جنبى فى كل حاجه لفل اب وفلوس ولبس و ادانى ولف وقت ما كنت لفل 20 كان الولف ده ايه يانهار ابيض تقولش ماشى وجنبى كابتن ivy
بس للاسف شكلى كان وشى وحش عليه والاكونت خد بلوك
واقوله فى الاخر والله انت عسل يا محمد وجه اليوم اللى بردلك فيه الجميل يا جميل

2-hady_egypt_ lvl 89 _
مش عارف ابدا كلام عنه منين انا اول ماعرفت انه لفل 89 قولت ده اكيد هينفضلى زى التانين
بس بجد بجد ده بقى اكتر من اخويا
وقته مش ليه اقصده فى اى خدمه تلاقيه
يعنى مش انانى وبيحب يساعد الصغننين اللى زى
واقوله يخرب بيت جدعنتك يا اخى نفسى تقولى ولو مره واحده لا يا اخى

3-_mojari___ lvl 70___
ودى من الفلبين بنت جدعه اخر حاجه وكل اليوين بتاعها والجيلد جدعات
بصراحه طلعوا اجدع من ناس كتيير مصريين بس يلا بقى
اقولها ( مع انها مش هتقرا ده اصلا)
ربنا يهنيكى بشغلك الجديد يا moja وبالخطوبه السعيده ويارب ترجعى الجيم انتى وخطيبك بقى
اصل خطابها بردو بيلعب سلك رود

4- ___ X_POPS_X____ وِ A_D_H_M ___ lvl 82_____
اتنين تؤام من طنطا بحبهم زى اخواتى
جدعان اوى ومش بيتاخروا عليا فى حاجه
اقولهم ربنا يجازى اللى سرق ___pops___ويعوض عليكوا باحسن منه


5-tiger_storm _ lvl 46_
حبيب قلبى يا اشرف انت اللى علمتنى الاسعار بعد ما كنت بخسر كتييير اوى لول كنت ببيع السوس 200 الف
هههههههه
احسن تاجر تقابلوا فى الجيم واحسن واحد بيرغى فى المايك
هههههههه
اقوله ربنا ييزدك من جولدو يا اشرف وعقبال ما اشوفك يارب معاك .... ولا بلاش احسن تقول بحسد

6-SWORD_STORM_ lvl 65_
ده بقى مش معقول
محمد انا مره كنت مشى بشخصيه غير الاساسيه بتعتى ورخمت عليه وقلتله الاتى بالظبط
انت يابنى هات 100 الف بسرعه عشان عايز احيب HP we MP
قالى طيب مش تقولى انت مين تلاول
قلتلو وانت مالك هات ال 100الف بسرعه انت لسه هترغى
الغريبه انه ادهالى
بعدها قلتلوا اعملى يلا باور لفل دلوقتى
قالى انا بعمل حاجه دلوقتى
قلتله لا دلوقتى يعنى دلوقتى
راح بعتلى بارتى
كل ده وهو لسه مش عارفنى
ده بالذمه تقولوه ايه
انا مش ممكن اقله غير ربنــــــــــــــــــــا يكرمك يا محمد

7-X_Teffa_Hamada_X lvl 85
درش باشا
اقول كلمه تسمعها منو (صباح الشقاوه )
ممم مش عارف اقول عليه ايه واد غلبان اوى لدرجه انه اتسرق بسبب طيبته دى
منه لله يا مصطفى اللى خد منك الحاجه وانا والله بحاول اعمل اللى قلتلك عليه


بس كده خلاص (مش ملاحظين ان معظم اللى اعرقهم يا اتسرقوا يا خدو بلوك يا اتجوزا وسابوا الجيم
ربنا يستر بقى على اللى هيقرا الموضوع انا مش مسئول عن اى حاجه هتحصله)



فى ناس بقى مش عايز اقول اسمها بس بجد عمرى ما احب اتعامل معاهم تانى
طولت عليكم
لو عايز تشكر حد شاركنى هنا فى الموضوع ده;);)

يشرفنى انا اكون اول من يرد على الوضوع

بس يا باشا الوضوع ده مش مكانه هنا مكانه فى سرفر ادج

وانا فى ناس كتير سعدتنى

هم

78 لفل DEVIL_EG

ود من احسن الناس الى فى سرفر ادج وكمان ادنى اكون الفل بيه نفسى

69لفل _lion_boy_

ود من اعز اصحابى فى السرفر وكمان كل ما يروح يعمل تاكسى يخدنى معه

ِA20 لفل 84

وده كل ما يشفنى فى اللعب يدينى جولد علشان هو من اطيب الناس فى السرفر

Dark_Road لفل 46

وده تقريبا اول واحد عرفته فى السرفر

عزيزى sakafa
شكرا على مرورك وربنا يبارك لكل اللى ساعدك واللى ساعدنى
وبلاش ندعى على اللى ذلنا وقالنا يلا يا نوب من هنا
خلينا احنا احسن منه
وبكره يجيلو يوم :)

معلش يا جماعه انا غيرت فى الاسامى شويه عشان الناس دى مش تزعل منى عشان فى ناس مش بترحم وهاتك يا طلبات
وكمان عشان الناس دى مش تزعل منى انى فتحت عليها فاتحه :)