|
آراء المتزوجين وهي نصائح لغير المتزوجين أيضاً
أراء المتزوجين وهي نصائح لغير المتزوجين أيضاً واحد ماشى مع خطيبته وأخر انسجام فقالها : عارفة أية هو الحب وأية هو الجواز؟ قالتله : لا قالها : الحب زى النجوم الجميلة اللي في السماء قالتله : طب والجواز؟ قالها : دى الحفرة اللي بنقع فيها وإحنا بنبص على النجوم ----------------------------------------- واحد متجوز وقاعد في البيت وبيبص كتير في عقد الزواج فمراته قالتله : بتبص في عقد الزواج كتير كدا ليه يا حبيبي فقالها : مش عارف يا حياتي المأذون كتب تاريخ انتهاء العقد فين ----------------------------------------- واحد قاعد في أمان الله بيقرا الجرائد وفجأة جت مراته وضربته بغطا الحلة فوق دماغه .. طررررراخ الزوج: فيه إيه يا بنت الحلال؟ ليه كدا؟؟؟ الزوجة: إيه الورقة اللي في جيب بدلتك ومكتوب عليها 'سوسو'؟ الزوج: يا بنت الحلال ده أسم الفرسه اللي بشجعها في السباق الزوجة صدقته وراحت لحالها وبعد اسبوع الزوج قاعد في أمان الله يقرا الجرايد وفجأة جت مراته وضربته بغطا الحلة عل راسه الزوج: خير يابنت الحلال فيه إيه تاني؟ الزوجة : الفرسه على التليفون ----------------------------------------- واحد بيقول لمراته ... انا النهاردة عاوز رومانسيه فى البيت راحت الزوجة سألت امها: يعنى إيه رومانسية ؟ الام: مش عارفة بس احتياطى إنقعى الرز ----------------------------------------- مرة واحدة بتقول لجوزها: تصدق إن أنا كل يوم بحلم بيوم جوازنا قالها: هى لسه الكوابيس ديه بتجيلك؟ ----------------------------------------- مرة واحد قال لصاحبه: عاوز أعمل لمراتي مفاجأة فى عيد جوازنا صاحبه قاله: هتعمل إيه؟ قاله: هوديها الصين قاله: يا راجل فى عيد جوازكوا العاشر توديها الصين أومال فى عيد جوازكوا الخمسه وعشرين هتعمل إيه؟ فقالوا: هروح أخدها ----------------------------------------- مرة دكتور دخل عنبر فى سراية المجانين لقى واحد بيخبط دماغه فى الحيطة فسأل الممرضة ماله ده ؟ قالتله : أصله كان بيحب واحدة ومتجوزهاش دخل العنبر اللي بعده لقى واحد بيضرب نفسه بالشبشب قالها وده ماله قالتله : أصل ده اللي أتجوزها يا دكتور |
ههههههههههههههههههههههههه جمال اوي تسلم ايدك
|
هههههههههههههههههههههه
جميله النصايح دي بس الواحد خلاص اتعقد من الكلام ده :d |
| الساعة الآن 05:21 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.