|
بلديتنا
جورج قرداحي بيسأل واحد بلديتنا ببقوله الحج فرض ولا سنه؟ قاله هأتصل بصديق اتصل بهريدى صديقه وقاله الحج فرض ولا سنه؟ هريدي قاله لا ... الحج قرعه . ـــــــــــــــــــــــــــــــ استضافوا واحد بلديتنا في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة . ـــــــــــــــــــــــــــــــ واحد بلديتنا حب ينتحر من الدور العاشر رمى نفسه من الخامس مرتين . ـــــــــــــــــــــــــــــــ بلديتنا فتح محل جواهرجي عمل أول يوم ببلاش . ـــــــــــــــــــــــــــــــ بلديتنا وقع في حفرة حدفوله حبل طلع مشنوق . ـــــــــــــــــــــــــــــــ 3 بلديتنا بيلعبوا على القهوة واحد قال كش ملك والتاني قال دبش والثالث راح واخد الكوتشينة وماشى . ـــــــــــــــــــــــــــــــ بلديتنا راح أمريكا لقى الناس لابسين تي شيرتات مكتوب عليها بيبسى و كوكاكولا لما رجع البلد كتب على التي شيرت بتاعه عصير قصب . ـــــــــــــــــــــــــــــــ 2 بلديتنا بيلعبوا شطرنج الأتنين خسروا . ـــــــــــــــــــــــــــــــ الأمريكان والروس بيترسموا على بعض الأمريكان يقولوا احنا أول ناس طلعنا القمر والروس يقولوا لا أحنا أول ناس طلعنا القمر بلديتنا كان واقف اتضايق أوى قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه. ـــــــــــــــــــــــــــــــ واحده بتقول لجوزها الصعيدي عمرك ماقلتلى كلمه تحسسني إن أنا مرآتك ؟؟ قالها إنتي طالق . ـــــــــــــــــــــــــــــــ بلديتنا عايز يروح حفله تنكريه .... بعت أخوه . ـــــــــــــــــــــــــــــــ جماعه بلديتنا سمعوا عن اختراع أسمه السيفون حبوا يعرفوا هو إيه بعتو واحد منهم أمريكا ... لما رجع قالهم أما السيفون ده حتة اختراع يا رجاله تدوس على السيفون ويا تلحق تشرب يا متلحقش . ـــــــــــــــــــــــــــــــ بلديتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه . ـــــــــــــــــــــــــــــــ بلديتنا راح لدكتور بلدياته قاله يا دكتور كل أما أحط أيدي على عيني مشوفش الدكتور خرمله أيده . ـــــــــــــــــــــــــــــــ بلديتنا عمل عمليه نجحت عملها تانى. ـــــــــــــــــــــــــــــــ 10 بلديتنا بيتعلموا ربط الكرافتة 6 ماتوا و 4 في حاله حرجه. ـــــــــــــــــــــــــــــــ واحد بلديتنا أتجوز جه أبو العروسه قاله لو لقيتها بنت بنوت إضرب طلقتين .... لو ملقتهاش بنت بنوت إقتلها وإغسل عارنا أول يوم ضرب طلقتين ... تانى يوم قتلها . ـــــــــــــــــــــــــــــــ بلديتنا حب واحده إتجوز أختها علشان يضمن يشوفها كل يوم . ـــــــــــــــــــــــــــــــ بلديتنا خرج من الجيش ومعاهوش أي صنعه فتح كشك شرطه عسكرية . ـــــــــــــــــــــــــــــــ بلديتنا إشترك في من سيربح المليون جورج قرداحى سأله إسمك إيه طلب الاتصال بصديق . ـــــــــــــــــــــــــــــــ 2 بلديتنا بيلعبوا شطرنج ... الملك مات مشلول . ـــــــــــــــــــــــــــــــ بيسألوا واحد بلديتنا بيقولوله المصري بنى الأهرامات والياباني بنى إيه قالهم بنا سونيك . ـــــــــــــــــــــــــــــــ بلديتنا إشترى كمبيوتر شال الفارة وحط جاموسه . ـــــــــــــــــــــــــــــــ مجموعة بلديتنا ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين . ـــــــــــــــــــــــــــــــ بلديتنا وقع من الدور العاشر جالة صداع . ـــــــــــــــــــــــــــــــ ضبطوا 2 بلديتنا بيشموا أسمنت أبيض. ـــــــــــــــــــــــــــــــ بلديتنا أشترى تاكسي كل لما حد يقوله تاكسي يقوله أيوه تاكسي . ـــــــــــــــــــــــــــــــ بلديتنا عاوز يزور فلوس جاب ورقه بعشرين جنيه وزورها بالضبط بس غلط وكتب بدل الـ 20 (18) وراح يفكها في القاهرة راح لأول واحد قاله عايز أفك الورقة دي الراجل قاله الله يخرب بيتك زورتها إزاى خد الورقة ومشى وإستغرب أوى إن الراجل عرف دي مزورة منين وقال أنا هرجع البلد أفكها من هريدى ولد عمى ... راح لهريدى قال لهريدى و النبي ياهريدى فك لي الورقة دى هريدى قاله والله مفيش جنيهات تاخد ورقتين بتسعه . ـــــــــــــــــــــــــــــــ 10 بلديتنا ماشيين ورا بعض وقعوا في حفرة واحده . ـــــــــــــــــــــــــــــــ بلديتنا خلع العمة فقد الذاكرة. ـــــــــــــــــــــــــــــــ بلديتنا إشترى موبايل ركبله جهاز إظهار رقم الطالب . ـــــــــــــــــــــــــــــــ بلديتنا أشترى عربيه هيدروماتك قطع رجله الشمال . ـــــــــــــــــــــــــــــــ بلديتنا إتفرج على إعلان مارلبورو تانى يوم راح إشترى حصان . ـــــــــــــــــــــــــــــــ بلديتنا جاى ينزل من باب العربية لقي الدنيا بتمطر راح نازل من الباب التاني . ـــــــــــــــــــــــــــــــ بلديتنا دايخ في كل محلات الموبايل ومش لاقى طلبه وراح شركة نوكيا برضه مش لاقى طلبه؟! عشان عايز موبايل بقرص . ـــــــــــــــــــــــــــــــ بلديتنا دق في صدر أبنه مسمار عشان يعلقله البزازه . ـــــــــــــــــــــــــــــــ بدليتنا بيسأل صاحبه بيقوله إيه رأيك في تجارة المخدرات قاله تجارة عين شمس أحسن . ـــــــــــــــــــــــــــــــ بلديتنا إشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن .... الصعيدي قال يلعن أبو السرعة . ـــــــــــــــــــــــــــــــ بلديتنا بيعمل كشف نظر طلع نظره 6/6 فبيقول لصاحبه : أنا كنت ممكن أجيب أكتر من كده بس الدكتور اللي لخبطني . ـــــــــــــــــــــــــــــــ بلديتنا صغير بيسأل أبوه بيقوله ليه ربنا خلق لنا الودان؟ قاله عشان نعرف العمة هتقف لحد فين . ـــــــــــــــــــــــــــــــ 2 بلديتنا راكبين موتوسيكل موتوا بعض عشان كانوا بيتخانقو علي مين يقعد جنب الشباك . ـــــــــــــــــــــــــــــــ 2 بلديتنا بيلعبوا شطرنج فواحد بيقول للثاني أنا قتلتلك الحصان الثاني قاله طب ثانيه واحدة ... لما رجع قاله وأنا سممتلك كل بهايمك . ـــــــــــــــــــــــــــــــ بلديتنا قتل أبوه عشان يحلف برحمته . ـــــــــــــــــــــــــــــــ بلديتنا ماشي ورا واحده بيعاكسها فبتقوله أمشى عشان بابا جاي ورايا قالها قوليله أن أنا أخوكي . |
هههههههههههههههههههههههههههههههههههههههه
انت واد نكته و الله العظيم مشكوووووور يا كبير و ياريت تقبل مرورى :) |
مشكور على النكت
بس مش احنا قولنا بلاش نكت للصعايدة قول مرة واحد غبي مشكور كمان مرة |
معلش يا جميل فى ناس اشتكت
خليها بلديتنا احسن منعاً للزعل وعلشان الروح الحلوة تفضل بين جميع الاعضاء :) تحياتى ... وآسف على التعديل |
ههههههههه
مشكور |
fantastic topic waiting4more
|
ههههههههههههههه جامدة شكرا
|
الراجل بلدياتنا ده غبى اوى
|
ههههههههههههههههههههههههه الحمدلله ان هيرمونى خلاها بلديلتنا قبل مأدخل ومشكور على النكت يا مان
|
اقتباس:
وانا اسف يا جماعة مكنش قصدى حاجة ومشكورين ع الردود |
| الساعة الآن 06:48 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.