[Adham SabrY]

المشاركة الأصلية كتبت بواسطة deathtooall عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اخى العزيز هو ده الى انا بتكلم فيه و بعدين احنا ما سبناش الجلدات عشان نيجى نعمل جلد واحد و بس طب ما كان ممكن نتحد فى جلد معروف من الجلدات القديمة و نعمل الموضوع ده انا مبعترضش و قولت الفكرة كويسة بس دى تجربة زى ما ادهم قال لكن اننا ناخد كل الاكونتات الى لفل عالى عشان نعمل جلد جديد طب ما فى ناس كتير احق ب الماستر انا واحد من الناس مش محتاجها بس متبقاش من قبل ما نخش مع اكونت معين لا طبعا الماستر لازم يكون خبرة فى الجيم و يكون دخل فورترس قبل كده ورغم كده انا قولت اعملوا اكونت صغير هو الماستر و بعدين احنا بنجرب لان لو الموضوع فشل كل واحد هيرجع تانى و انا بتمنى ان الموضوع ينجح بس بالعقل مش بالعين و انا بشكر ادهم على المجهود الرائع و انا من الناس الى برجح ان برتى كلر هو الى ياخدها لان الراجل ساب التوب سناك مخصوص وده مثلا هو الاحق

بسم الله الرحمن الرحيم
السلام عليكم ورحمة الله وبركاتة

اسف انا لسة داخل البيت و ببص على الجيم لقيت رسالة حضرتك بترشح زياد و ترون و فامبير

وهنا بترشح بيرتى كلير


طيب اعرف بس القرار الاخير ياريت فى الاختيار علشان انا كمان متشتتش

بالنسبة لزياد او ابو زياد لو تقصد فهو الاب الروحى للجيلد وهو العقل المفكر للجيلد بلا منازع طبعا واى شئ واكيد هيشوف كلامى انا شخصيا اى شئ بجرى على طول اتصل بية قبل ما أخد اى خطوة لأنة اخ وصديق قبل اى شئ وتملى بعمل بكلاموا

اخى الكبير محمود ابو زياد واستاذى طبعا دون اى مجاملة حاليا مشغول بعدة أمور منها العملية خارج الأنترنت ومنها على الجيم زاى موضوع الفارمينج والراجل ملتزم بمواعيد مع اعضاء والتزامات و وعود فى موضوع الفارمينج و اللفل اب واغلب الوقت AFK غير بالليل بيكون متواجد لمتابعة الفارم و احنا فى انتظار انتهاء الفارمينج كلنا وعودتة معانا

زاى ما قولت ليك انة الاب الروحى للجيلد

تانى اسم معانا اخى فامبير او محمود هو اخ عزيز علينا كلنا محمود بيجهز فى حجات منها اوراق و اشياء خاصة استعدادا للسفر وهو شبة غير متفرغ و طبعا حياتة العملية فوق كل اعتبار لكن يوميا يعتبر من 12 باليل ل 6 صباحا مع بعض و بنتكلم فى كل كبيرة وصغيرة وبندرس كل الأمور

ترون الأسم الثالث اللى حضرتك رشحتوا بناء على رسالتك اللى تم ارسالها لى واعتقد ان تم ارسلها لعدة اعضاء معنا لو متمش اختيار ماستر انا هخرج من الجيلد ولازم يكون خبرة زاى ما حضرتك قولت

طيب مرة حضرتك قولت انة يكون اكونت صغير ومرة اكونت خبرة

طيب يا ترى كل عضو يقول عايز جرانت نيم ادخل بالنوب الصغير اعملوا اللى عايزوا واخرج ؟؟

انا فكرت فى الموضوع و عملتوا اول حد طلب منى انة يبقى الماستر قولت لية ثوانى انا فى الكهف هسحب اسكرول يا حبيب قلبى و هنقل الماستر ليك لأنة مش فارقة معايا ولا انى اقول انا صاحب الفكرة وانا مؤسس الجيلد وانا الاحق بالماستر والكلام دة

لان ابو زياد قال انا ميهمش انى اكون الماستر اهم شئ ( الأحتررررررررررررررررام )

فامبير قال انا مش عايز ماستر المهم نعرف الناس مين هما المصريين وناخد الفورتس ونثبت للناس اننا الافضل

وانا عن نفسى مش فارقة معايا نهائى الحمد لله مفيش حد فينا انانى ولا طماع ولا عايز انة يكون الماستر

لو هنبص لنحية الخبرة بقى

حاليا انا سلمتها لبيرتى لأنة طبعا تاريخة معروف

يكفى انة اول السيرفر فى الهونر
كان فى جيلد الفورتس
كان فى اشهر و اعرق الجيلدات فى تاريخ السيرفر
ورغم ذلك ضحى بكل شئ بمجرد ما قولت لية يا أحمد اخوك ادهم محتاجك معاه
اكتر من 100 جيلد وقسما بالله العلى العظيم عرضوا علية انة يجى معاهم ورفض انة يضحى بكل تاريخة مع تيوب سناك

والراجل بمجرد ما قولت لية انا محتاجك جنبى وعايزك تشاركنى الحلم وحسيت انة هيقولى انت مجنون لكن احترام السن منعة من ذلك وانا عارف احمد لأن علقتى بية مش جيم وبس

نفس الوضع لعصام ساب تيوب سناك بمجرد ما قولت لية محتاجك معانا يا عصام الراجل متأخرش نهائىىىىىىىىىىى رغم انى بقولوا انا اسف لأنى سببت ليك فى احراج مع كلان سيرفر

بيرتى كلير سلمتها لجينو

جينو عضو سابق فى تيوب سناك
عضو سابق فى ايجلز
عضو سابق فى اشهر الجيلدات فى السيرفر
ماستر يونيون مرات عديدة ودخل فورتس عشرات المرات ويمتلك من الخبرة الكثير

معانا فى الجيلد اباطرة اللعبة وانت واحد منهم يا ديث بدون مجاملة

النادى الأهلى عامر بالنجوم ورغم كدة محدش بيجرى ورا اشارة الكابتن

ريال مدريد منتخب عالم ورغم كدة محدش بيجرى ورا اشارة الكابتن

الكل هدفوا واحد

حلموا واحد

عقل و قلب واحد و اخيرا يد واحدة
سهل جدا انقل الماستر دلوقتى ليا من تانى ولا كأن حدث اى شئ وهنكمل عادى جدا
خروج من الجيلد مش معناه ان الحلم هيتوقف او اننا مش هنكمل لأن وجدت فى الرد لهجة الله اعلم ما مقصودها
نفس الوضع لعضو اخر لعدم ذكر اسموا كل شوية يقول لا لا لا لا كدة مش هينفع نفكها احسن وكل واحد يروح فى حالة

طبعا ردى علية بكل أحترام

حضرتك على دماغى انا شخصيا من فوق لو معترض على اى شئ اعملوا ليك غير كدة برضوا لو حسبت انك مضايق تقدر تعمل لوج للجيم وهيتعمل ليك كيك واكيد هتقدر تلاقى نفسك ورحتك النفسية فى جيلد اخر
رد عليا برد غريب وقال اصل انا مش واخد وضعى بصراحة
طبعا رديت علية بكلمة نو كومينت

ديث اخوك ادهم يعتبر ماستر الجيلد بغض النظر عن مين الماستر ولو حبيت يا صحبى انك انت شخصيا تبقى الماستر هقولك انا عنيا ليك ولا انك تزعل من اى اخ ليك فى الجيلد لأنك انت واحد مننا وانا بصراحة من الصعب انى اضحى بأنسان زيك خاصة انك انسان خلوق جدا وانا بقول وجودك مكسب كبير جدا جدا فى الجيلد

حاليا احنا 38 وفاضل 12 واحد والأقبال علينا بسم الله ما شاء الله

الموقع الخاص بالجيلد اوشك على الأنتهاء وهى سابقة الأولى من نوعها ان يتعمل موقع خاص بجيلد فى لعبة سيلك رود خاصة لو جيلد مصرى
بمجرد ما يتم الأنتهاء هنكتب اسموا فى النوتك وهتدخل هتجد قوانين الجيلد اللى فعلا اتوضعت وقواعد و كل خطط الجيلد فى الفترة القادمة
ملحوظة صغيرة جدا جدا مع انى المفروض مذكرهاش فى الوقت الحالى
واستعينوا على قضاء حوائجكم بالكتمان
بس هقولك ان خطة الفورتس نفسها تم وضعها بعد متكريت الجيلد ب 7 دقايق بس من خلال اتصال تليفونى مع ابو زياد وصدقنى الأيام اللى جاية محضرة مفاجأت محترمة جدا للناس المحترمة اللى معانا فى الجيلد زيك يا ديث
واى شئ اخر انا فاتح اميلى وفى خدمتك او ارسل لى رقم تليفون حضرتك فى رسالة الجيلد وانا اتصل بحضرتك على الاقل اتشرف بيك أكتر واكسب صديق برة النت زاى ما كسبتك جوة النت

الحمد لله المسيرة مستمرة و بعتذر لعدم الرد و المتابعة أول باول لظروف شخصية ومن قبلها عملية
وانا معاكم ان شاء الله فى خدمة اى شخص للرد على اى استفسار او حتى اقتراح هيقدر يفدنا

قرأت جميع الردود و سيتم الرد عليها جميعا خلال دقائق ان شاء الله فور الأنتهاء من بعض الأعمال

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
Or
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
اشوفكم جميعا على خير
و متابع معاكم وهنقل ليكم أجمل الأخبار ان شاء الله
أخوكم ادهم
دمتم جميعا فى امان الله تعالى

السلام عليكم ورحمة الله وبركاتة