[bad world]

المشاركة الأصلية كتبت بواسطة angelic_wizard عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مادام الانسان جواه ايمان قوي بربنا مافيش اي حاجه من الجن او الشياطين ممكن تأذيه
يعني عندكو مثلا انا لسه سامع الحكايه دي في خطبة الجمعه اللي فاتت

صلوا علي النبي

كان في ايام زمان واحد مسلم وموحد بالله. الراجل ده عرف ان في جماعه بيعبدوا شجره من دون الله
الراجل غضب لله وقال ازاي شجره تعبد من دون الله. وخد في وشه وطلع من بيته عازم انه يقطع الشجره.
طبعا ابليس عاجبه موضوع عبادة الناس للشجره ما هو الموضوع جي علي هواه. قان تجسد في صورة انسان ووقففي طريق الراجل اللي رايح يقطع الشجره.
فسأله ابليس انت رايح فين؟ قاله رايح اقطع الشجره اللي الناس بيعبدوها من دون الله.
ابليس قاله وانت مالك. مش انت بتعبد ربنا مالك انت يعبدوها ولا لأ. وبرده الراجل مصمم يقطع الشجره.
المهم ابليس قاله طب ارجع ولك كل يوم دينارين تلاقيهم تحت مخدتك لما تصحي.
الراجل فرح بالموضوع ورجع.
صحي تاني يوم بيبص تحت المخده لقي فعلا دينارين. قالك ده الموضوع بجد بقي. :d
جه تاني يوم بيبص مالقاش حاجه. قام خارج من بيته غضبان وعازم علي انه يقطع الشجره.
فقابله نفس الراجل (اللي هو ابليس) وضربه وكاد ان يقتله.



<<الخلاصه>>

ان الراجل لما كان طالع يقطع الشجره غضبا لله فكان ربنا حافظه عشان كده ابليس معرفش يعمله حاجه.
لكن تاني مره الراجل كان خارج غضبا من اجل الدينارين وعشان كده تمكن منه ابليس.


يعني خليك مع ربنا ومايهمكش اي حاجه :)

شكرا لك على الاضافة المفيدة
وكل قولك صحيح