[Same7ashy]

السلام عليكم ورحمة الله وبركاته

في البداية أحب أقول إني آسف إني اتأخرت شوية في الرد (لإني كنت مفرمت الجهاز)
والحاجة التانية اللي أحب أقولها ثانياً/ للي بيقول (اختار بلدك بشرف) أنا فرحان بردك ده أوي، بس إحنا مش هنضحك على نفسنا ونقول لأ نختار مصر أحسن، أيوا يابني أنا معاك، أنا أتشرف إني مصري، بس لما يكون في حاجة زي دي ده كلام تاني خااااالص، طيب ماشي اخترت مصر جبتلك إيه الكلمة دي لما إنت اخترتها غير البلوك بعد تعب الشهور الطويلة ؟! بس طبعاً يعني لو حد قاللك في اللعبة where are u from ؟ مش هتقوله I from USA مستحيل تقول كده، يبقى إنت مستعر من بلدك لو قلت كده !

ثالث حاجة/ لكل اللي بيقول (المصريين هما أكتر ناس بيشحنوا سيلك مضروب...) أيوا كلامك صح (للأسف يعني) طيب أنا إيه اللي أنا عامله دلوقتي ؟! مهو كل اللي أنا تعبان فيه عشان نحل المشكلة دي وللا إيه ؟!

رابع حاجة/ لكل اللي بيقول (مش مستقصدين العرب والمصريين ...) هقوله كلامك غلط هما مستقصدينهم، بس إيه مش عشان دينهم مثلاً أو أي حاجة إنت فاكرها... لأ، أنا اعتقد إنهم عاملين كده معاهم عشان هما أكتر ناس ببيشحنوا سيلك مضروب، وعشان هما أصلاً مش عاوزين اللعبة كلها تبقى عرب بالشكل الفظيييييع ده :eek: ! وبعدين أنا قلت دليل على كلامي إن المواقع العربية ولا موقع فيه إعلان عن اللعبة لإنهم مش عاوزين عرب، إنما المواقع الأحنبية (وخاصة الإنجليزية) ملياااااااااانة إعلانات عنها.

خامس حاجة/ بص ياسيدي إنت وهو (كل المعترضين على صحة الموضوع) سيبك من سلك رود مع البرنامج ده، البرنامج ده أصلاً له استخدامات تانية أنا مرضتش أكتب بعضها (هتعرفوا دلوقتي ليه).
البرنامج ده بيستخدم في اخفاء شخصيتك على النت، يعني تصفح النت بدون خوف من الهاكر ولا غيره ولا حتى مواقع التجسس، وبكده تقدر تدخل بيه أي صفحات محجوبة (بس ياريت تدخل الصفحات المحجوبة ظلم بس يعني أنا مثلاً بدورفي برامج الهاكر كتير من السعودية حالياً فتقريباً نص المواقع في السعودية محجوبة ومنهم الهاكر فالبرنامج ده بيبقى غصب عنك أساسي بالنسبالك لو إنت في دولة زي السعودية) وياريت محدش يفهمني خطأ أو هو يستخدموا خطأ.

آخر حاجة/ أحب أشكر كل من شكرني، وعايز أقوللكم حاجة إن ده أول موضوع أحطه في منتدى في حياتي كلها بس واضح إني اخترت المجال الخطأ، أنا هروح قسم بعيداً عن سلك رود أحسن وسيبني من سلك رود دي خالص (على الأقل مفيش الغيظ دهو كله مني) سلاااااام .