[Al.Qanas]

أممممممممممممممممممـ

جميل الكلام والله يا جماعة ..
ولو كل واحد دور على سبب هيلاقى الحق أنه يخرج من اليونيون ومش هيبقى فيه يونيون من الأساس ..
لكن أنا من رأيي إن أحنا طالما دخلنا اليونيون يبقى خلآص بقينا واحد وحتى لو كان فيه خطأ مهما كان بنحاول نصلحه ..
أنت لو قولت لباجى أو قولتلى إن فيه ناس بتعمل كذا .. هنتصرف وهنكلمهم وهنعرفهم الصح والأمور هتمشى تمام ..
وكل واحد بيحاول يظبط الجيلد بتاعه على قد ما يقدر ودة ف وجودنا مع بعض وتعاونا مع بعض علشان نعلى اليونيون .. وانا على ايد ناس كتير عامل بان لناس من الجيلد بتاعى علشان اخطاء عملوها ..
ولو كل واحد جه على الحتة بتاع ان اليونيون نايم يبقى مش هنعمل يونيون كدة اصلا
انا قبل ما ادخل مع باجى قولتله انا الناس ف جيلد اينوس وجولدن ارمى مكلمنى ادخل يونيون معاهم علشان هما صحابى وكانوا سايبين مكان ليا لكن انا اعتزرت عنه ودخلت مع باجى ..
مع انى عارف ان اليونيون بتاعنا مش هيكون 1/10 منهم بس انا دخلت علشان فكرة اننا يونيون مصرى ونحاول نظبطة مع بعض اذا كان على المدى الطويل او القصير بس المهم كله يبذل جهده على قد ما يقدر ..

اليونيون يعنى اتحاد
احنا كدة مش عملنا اتحاد فعلى .. كدة اتحاد مجرد اسما وشكلا بس
محدش فكر يحل مشكلته مع صاحب جيلد تانى او يقول مشكلتة قبل ما تحصل اى خلافات تانية
انا حصل قبل كدة وحصلت شد بينى وبين ناس من استرونج وانا اعتزرت علشان مش تكبر المشكلة
ولحد دلوقتى انا بقول للناس كلها تظبط الجيلد ونعمل حاجات كتير سوا علشان يبقى يونيون حقيقى مش يونيون اسم بس

وكل جيلد فيه الحلو والوحش ويمكن انت معاك ناس مش كويسة او يعنى مش تمام اوى وانت مش تعرف عنهم كل حاجة او شايفه معاك انت بس جدع وتمام .. وكل حاجة ليها حل والله

لو حقكم فعلا تخرجوا من اليونيون
يبقى من حقنا اننا نشيل اليونيون كله

لو اتكلمت من ناحية الحق فهو ليكم الحق وحتى لو من غير سبب لان دى حرية شخصية وانتوا شايفيين اللى يريحكم
بس كدة احنا محصلش بينا تعاون ولا مجرد تفكير لحل اى مشكله حصلت ..
حتى مهما كترت المشاكل محدش قال يا جماعة حصل كذا وكذا ولازم نحله ..

كان هيبقى حقكم اكتر فعلا لو اتكلمتم على مشكلة حصلت ومحدش حلها ولا عمل ليها وقفه فعلا ..

وانا اسف بالنيابة عن اى واحد من الجيلد بتاعى ضايقكم او رخم عليكم ..
وانا اسف بردو لو انا كنت ضايقت حد او زعلت حتى منى ف اليونيون كله ..

كلمه اخيرة
انا مش هسيب اليونيون مهما حصل ولو فضل نايم لأخر الجيم ..
بس هفضل احاول انه احسن منه وانا مصر على كدة ..
الا لو كله خرج وسابنى لوحدى :)

اشوفكم بخير وسورى طولت عليكم
بايوز