--------------------------------------------------------------------------------
السلام عليكم ورحمة الله وبركاته
أهلا بيكم مرة تانية
ونكمل موضوعنا عن أجمل علاقة حب ممكن تحصللك
بس ادعوا ربنا ان النت مش يفصل تاني
سؤال
تعمل ايه لو لقيت شاب بيحاول يكلم فتاتك ؟ أو بيعاكسها ؟ أو بيحاول يلمسها ؟ أو بيضايقها ؟ أو أو أو
ودي عاوزة اجابة ؟
متهيألي
على حسب ذنبه يكون عقابه بس أكيد هعوره علشان مايفكرش يقربلها تاني
- هعمل . هسوي . هكسر .هدغدغ . هجبس . هولع . هخيط . هسيح دم
صبرك بس اهدى
لا مافيش اهدى
هو مش عارف انه بيكلم مين
ياعم العضلات طيب افرض انهم كانوا شلة كبيرة ؟
ولو ياعمنا دول لو قطعوني حتت (( أهو علشان أصعب عليها وتعرف ان فيه حد بيخاف عليها ))
اه أنا بشوف كده في التليفزيون
لا يعم أنا هعمل كده بجد
طيب حاول تعاكسها كده
لا ياعم وعلى ايه انا مصدقك خلاص مالوش لزمة
طيب انت بتعمل كل دا ليه ؟ أو تقدر تسميه ايه ؟
دي اسمها غيرة . ماسمعتش عنها ؟
آآآآآه هي دي الغيرة بقى (( طيب انت بتغير من أنهي حتة ؟ ))
؟؟؟؟؟؟؟؟
طيب قولي عمرك ما غرت على ربنا ؟
عمرك ما غرت على دينك ؟
عمرك ما غضبت لربنا ؟
عمرك ما شفت شيء بيخالف دينك وقررت تغيره ؟
عمرك ماسمعت واحد بيسب الدين ونهيته ؟
- الدين - يا جماعة
دانت لو واحد سب أمك أو أبوك مش هتسامحه ولا تعديها بالساهل
كم مرة سمعت سب الدين وقلت وانا مالي ؟
كم مرة شفت حاجة تغضب ربنا وأخدت موقف منها ؟
كم مرة عرضت نفسك للخطر زي مانت مستعد تحارب جيش ماتريكس لوحدك لو حد فكر يزعل فتاتك ؟
تابعوا معي