عرض مشاركة واحدة
قديم 06-08-2009, 03:59 PM   #6

MohamedFathey
عضو سوبر



الصورة الرمزية MohamedFathey


• الانـتـسـاب » Feb 2009
• رقـم العـضـويـة » 52751
• المشـــاركـات » 2,365
• الـدولـة » sohag.egypt
• الـهـوايـة » السباحة و الكنغو فو
• اسـم الـسـيـرفـر »
• الـجـنـس »
• نقـاط التقييم » 10
MohamedFathey صـاعـد

MohamedFathey غير متواجد حالياً


إرسال رسالة عبر Yahoo إلى MohamedFathey

افتراضي قصة حب عندنا فى المنتدى ؟ النهاية " !!



اهلا اهلا اتفضلوا



ام اسماء / يادى النور يادى النور

دة البيت نور ازيك ياحبيبتى

والدة محمد / منور ب أصحابة ياحبيبتى

امممممممة

امممممممة

والد اسماء / ولية التعب دة يابنى ( قصدة على الورد )

محمد / دى حاجة بسيطة كدة ياعمى علشان خاطر العروسة
والدة اسماء / والله يامحمد يابنى انا قلبى اتفتحلك من اول ماشوفنك

والدة محمد / القلوب عند بعضها ياحبيبتى

أومال فين العروسة ؟

دة محمد مبيبطلش كلام عن ادبها واخلاقها

والد اسماء / يا أسماء تعالى سلمى على ضيوفنا


خرجت اسماء مكسوفة جدا وهتقع وهى خارجة وراحت تسلم



والد محمد / ده إيه الجمال ده ؟


والدة محمد / تعالى ياحبيبتى لما ابوسك

امممممممممة

امممممممممة

والدة اسماء /اقعدى يا اسماء

اسماء / اومال فين محمد ؟
محمد / اومال فين اسماء ؟

والد محمد / ما هو دة محمد ابنى

والدة اسماء / ماهى دى اسماء بنتى

محمد واسماء فى نفس واحد / اية ؟
اسماء / انت مش قولتلى انك شبة كاظم الساهر ؟
محمد / وانتى مش قولتيلى انك شبة اليسا ؟
اسماء / انت تخين لية ؟ مش قولتلى انك رشيق ورياضى
محمد / وانتى دى مش صورتك اللى بعتيهالى

انتى كدابة


اسماء / وانت غشاش
محمد / انا مش ممكن اوافق على الجوازة دى
اسماء / وانا مش ممكن اتجوز واحد غشاش زيك


كل دة والاسرتين بيتفرجوا على اللى بيحصل فى زهول

والد محمد ووالدتة اخدوة على جنب وبيكلموة



والدة محمد / يابنى استهدى بالله دول ناس طيبين والبنت كويسة

محمد / لا انا خلاص قررت اتجوز بطة بنت خالتى

بطة ست بيت شاطرة ومش بتاعة اقسام ولا سجن زى البت دى

مش دة كلامك ؟


والدة محمد / بطة مين وفرخة مين ياعم ؟

انا خلاص موافقه على اسماء

محمد / خلاص اتجوز نورة بنت عمى

واللى تعرفة احسن من اللى متعرفوش

والد محمد / يابنى اسماء كويسة وابوها شكلة راجل طيب

خليك ناصح ومتنشفش دماغك




فى نفس الوقت والد اسماء ووالدتها بيكلموها على جنب



والد اسماء / جرى اية يا أسماء

الواد كويس وزى الفل وابوة شكلة زملكاوى

اسماء / لا يا بابا دول اهلوية وبعدين دة عاوز يتجوزنى ويقعدنى مع عيلتة اللى عايشين ورا شاشة الكمبيوتر
مش دة كلامك ؟

دة مصاحب اجانب ياماما

فرى بوى ولفلى جيرل وايمى

ودول كمان مش اى اجانب دول اسرائيلين

والدة اسماء / يابنتى بكرة يعقل و يبعد عنهم بعد الجواز

اسماء / مش هتجوزة يعنى مش هتجوزة
محمد / وانا لو شنقتونى مش عاوز البت دى

بعد محاولات كتير من الطرفين

فشلت كل المحاولات لاقناعهم بالجواز



انا عارف ان النهاية دى هتزعل ناس كتير منى


بس انا حبيت اوصل رسالة ان حب المنتديات مش حب

عادتنا وتقاليدنا فى الجواز هما اجمل شىء

مينفعش ترتبط بشخص كل اللى تعرفة عنة كتاباتة

تحياتي للجميع




رد مع اقتباس