[HeeMa]

السلام عليكم و رحمة الله و بركاته

بعد الاحلام و بعد الافلام و الخيال و نمنا و شبعنا نوووم و حلمنا كل دا كويس
نيجي بقا للاهم و الكلام المفيد و المختصر
بعد كل الاحلام دي و شايف كلو عمال يقول ايد واحدة و نبقا واحد و يرجع تاني يلف و يدور و يضحك علي نفسه طيب و ايه العــمــل

أيه الحـــــــــــــــــــــــــل ؟ ؟ ؟ ....

مدام بنتكلم بقا كفاية مشاحنات كلامية و خناق علي الفاضي و كل واحد عايش فى دور فردوس و فوزية و عمال يتكلم كلام حريم و كلام الفسحة دا ^^
لو حد عندو نية للتصالح و التصافي و نبداء صفحة جديدة يتفضل و يوجه للي زعلان منو دعوة و تكون هنا فى المنتدي و نعتذر لبعض احنا فى ايام رحمة و ايام مفترجة و خيركم من بداء بالتصالح
و نصحا بقا يا جماعة و بدل ما نتكلم و نقول دول غلطانين و دول غلطانين نيجي علي نفسا و نبطل تكبر و تعالي و نصالح بعض و نرجع اخوات زي الاول و اكتر علشان نرجع احترامنا الي راح قدام العالم كله بالي بنعملو فى بعض دا.

و بشرط الي يوجه دعوة للصلح و يطلب فيها الي زعلان معاه يشهد عليه الناس و السيرفر و ساعتها اكيد حنعرف مين الكويس من مين الي مش كويس

و كفاية بقا كلام و خناق و نحاول نلم نفسنا بقا دي لعبة للتسلية مش للخناق و نبهدل فى بعض
حتا و لو علشان خاطر ربنا و الايام المفترجة دي بلاش علشانا احنا
و صدقونى فى الاول و فى الاخر احنا الكسبانين او احنا الخسرانين
و خيركم من بداء بالتصالح
ارجو مكنش طولت بالكلام
بس حقيقي الي بيحصل دا كتير و كفاية كلام عايزين فــعــل و نثبت لنفسنا ان احنا كويسين و للناس الي بتتفرج علينا دي ان احنا احسن منهم

لو شايفين ان الموضوع يستحق التثبيت ثبتوه

والسلام ختام:):)