السلام عليكم و رحمة الله و بركاته
والعة يا دارك ايه الوحي الي نزل عليك دا بالموضيع الجميلة دي والله مشاء الله المنتدي كدا بقا تحفة بجد و فيه مواضيع متميزة هو دا الكلام علشان الواحد اتخنق من اللعبة خالص بالي فيها فا بيجي هنا يستريح :d
تاني يوم رمضان 1430هـ
البداية من صلاة الفجر و بعد صلاة الفجر بنعمل مقراءة ( قرأن كريم) لحد الشروق و بعد كدا صليت الضحي كدا كأنى عملت عمرة ^^ معرفش فيه حد عارف الحكاية دي ولا لاء
و بعد كدا طلعت نمت و صحيت علي اذان الظهر صليت فى البيت علشان كنت مصدع جداااااااا و متضايق طبعا علشان عرفت ان كنت بقراء القران الكريم بطريقة غلط
و طلعت نمت تاني و صحيت علي اذان العصر صليت الحمد لله و قعدت علي اللعبة شوية و قبل المغرب قرأت جزء من القرأن الكريم و نزلت صليت فى المسجد و فرقنا كوبيات بلح بالمكسرات علي الناس الي بتيجي تصلي معانا المغرب ^^ و صلينا المغرب و طلعت افترست السفرة طبعا :d
و ريحت مكنتش قادر و يدوب ولعت سيجارة من هنا و دماغي ضربت و نزلت صليت العشاء و الترويح و طلعت علشان كان عندنا GW
مع اصحابنا فى اليونيون طبعا اطرقعنا علشان كنا 3 بس قصاد 12 واحد و كانت مسخرت و ضحك :d
و بعد كدا نزلت انا و الواد احمد ابن عمي (( لـســـه فــى حــــب )) >>>>((_TANGO_) النوب طبعا :d و جبنا سحور و طلعت قبل الفجر انا و هو اتسحرنا و نزلنا نصلي الفجر .
يالهوي كل دا كتبتو الله يكون فى عون الي حيقراء الكلام دا كله :d