مسابقتنا اسمها(( مسابقه المنديل ))
فاكرين لعبه المنديل بتاعت زمان واحنا صغيرين
مسبقتنا هتكون نفس الفكرة تقريبا مع زيادة على الفكرة بحجات بسيطه
قواعد وشروط المسابقه هتكون بسيطه
كل ثلاثه اعضاء هيكونوا فرقه
و اول 8 فرق هما اللى هيدخلو معانا المسابقه
طبعا لازم الفرقه تسمى نفسها باسم
و ترقم فريقها بالترتيب 1 2 3
هنسال 6 اسئله وانتو وحظكو
يعنى هقول سؤال للعضو رقم واحد
تتدخل مداين ورقم واحد من الفرقه التانيه
رقم 2 تتدخل اطياف ورقم 2 من الفرقه التانيه
وهكذا
الاسرع فى الاجابه هو اللى هياخد النقطه
وفى سؤال سلطه هههههه
ايوة زى اللعبه
سؤال سلطه هيشترك فيه كل الفرقه
طبعا الاسرع فى الاجابه هو اللى هياخد النقطه
الاسئله هتكون دينيه و ثقافيه ومعلومات عامه
بكدة هيبقى معانا 6 نقط ودى هتكون المرحله الاولى من المسابقه
اما المرحله التانيه
هيكون على شكل طلب عمل معين من الفرقتين هيتم التصويت عليها
بمعنى هنطلب مثلا صور ة عن رمضان او صورة عن العيد او صورة طبيعيه وهكذا
والصور هتتبعتلى على الخاص عشان محدش يشوفهم الا عند التصويت
هيتم التصويت عليها ودى هتبقى بنقطيتين
لو حصل تعادل بين الفرقتين هيكون فى سؤال فاصل
المسابقه هتكون نظام تصفيات
بمعنى انه بعد اكتمال الفرق هيتم عمل قرعه بينهم
وكل فرقتين هيتنافسوا مع بعض
والفريق الكسبان بس هو اللى مكمل معانا