طبعا كلكم دلوقتى شايفين سيلك رود بقى شكلها ايه
دلوقتى شعار الجى ام
( معاك فلوس تدوس )
او ممكن تتقال بصوره مباشره
( حتدفعلى حلعبك .... حتركب دماغك و مش حتدفع انا حقرف ...... امك لحد ما تدفع و تلعب )
هيا ديه سيلك رود يا جدعان ... هيا ديه اللعبه اللى عاجباكو
هيا ديه بقى فوايد سيلك رود
اللى عايز يخسر صاحبو ...... يلعب سيلك رود
اللى عايز يدمر مستقبله ...... يلعب سيلك رود
اللى عايز يزعل اهله ......... يلعب سيك رود
اللى عايز يفلس ................ يلعب سيلك رود
اللى عايز يبعد عن ربه ....... يلعب سيلك رود
اللى عايز......................... يلعب سيلك رود
اللى عايز......................... يلعب سيلك رود
اللى عايز..........................يلعب سيلك رود
طبعا كلكم عارفين الكلام ده ..... ربنا يتوب علينا منها
فكرو فى الفوايد ديه حتلاقو انها
صح و اللى مش مصدق يقرا الباقى
الدليل
1 _ كم مره سمعت الاذان و انت قاعد قدام الكمبيوتر و طنشت ؟؟
2 _ كم مره اتعاركت مع صاحب ليك عشان معرفش عمل معاك ايه فى اللعبه ؟؟
3 _ كم مره قعدت قدام الكمبيوتر و طنشت مذاكره عليك ؟ و فى اخر السنه تقول انا كنت بذاكر بس المدرسين او الدكاتره هما السبب انى اجيب مجموع و حش و لو قولت لا .....شوف مستواك قبل سيلك رود و بعد سيلك رود و انت حتعرف
4_ كم مره الست الوالده ندهتلك و انت مرديتش عليها عشان بتلعب سيلك رود ؟ او بالاصح كم مره اتعاركت مع الاهل عشان اللعبه ديه ؟؟
5 _ صرفت قد ايه فلوس لحد دلوقتى فى اللعبه ديه ؟؟ شوف الرقم كام و لو كنت حطيت الرقم ده فى بنك كام زمانو فى زياده من زمان و كان حينفعك فى يوم من الايام مش دلوقتى
انا عملت الموضوع ده عشان للاسف كل اللى قولتو ده كان بينطبق عليا و انا بلعب اللعبه اللى اسمها ( سيلك رود )
بعدت عن ربى _ زعلت ابويا و امى و اتعاركت عرايك لرب السما _ خسرت اصحابى _ خسرت فلوس ملهاش حد _ سقطت سنه فى الكليه بسببها
اظن ان كل الحاجات ديه المفروض تخليك تقول
اظن كفايه كده على سيلك رود
و انا عارف ان 90% من الناس اللى بتعلبها زيى ايام ما كنت بلعبها ... يا رب الجى ام يدى بلوك لاى ip مصرى عشان و الله لو ده حصل حتحس بالفرق و تقول ايه اللى انا كنت بعمله ده !!!!!
ياخى يولع الجى ام اللى يعمل فى الناس كده و الناس لسه بتدفعله فلوس عشان يزيد فى اللى بيعملو و يقول حلال عليكو يا ..... يا مغفلين
يا رب يهدى الجميع
السلام عليكم