[كورابيكا]

يااااااااااااااااااااااااااااه

انا ساكت من امبارح على الكلام الى بتقوله
و سايب الناس تتكلم على لساني
اجى النهاردة الاقى الناس بتقولى ألحق ابن خالتك بيضربك فى ضهرك

و بالكذب

مكنتش اتوقع ابداً ابداً ابداً انك تخصرني فعلا بجد للدرجادي
انا قولت الواد متعصب و لحظة متنرفز فيها اكيد هيقول كلام زى دا

لكن الاقيك تتكلم عنى كلام بالكذب و الإدعاء.... طيب هتوريني وشك إزااااااااااى بعد كدا عاوز افهم ؟

انت تعرف انا لما حد بيدخل معيا فى مشاجرة بعمل فيه ايه
و بتكون ردودى صعبة و معقدة لدرجة انى الى بتشاجر معاه بيكون عاااااااجز فعلاً عن الرد أو الدفاع عن نفسه

اليوم انا فعلا عاجز عن الرد لأول مرة فى حياتى على تاريخ النت
و امبارح كنت عاجز و فعلا كان اى حد يكلمني يقولى أيه الى بيقوله ابن خالتك دا؟
اقول معلش مقدرش ارد عليه علشان مهما حصل اسمه ابن خالتى
و دى حاجة لأقدر أغيرها ولا يقدر هو يغيرها


كلامك كذب و إدعاء وفيه من الصح 1%
لكن باقى الـ 99% كله كذب

مش هدافع عن نفسى لأن كلامك عكس الى الناس شافته من كورابيكا على مرور السنين الى فاتت


وشكرا لأخواتي الى تدخلوا فى غيابي

و مسمحلكش اكتر من كدا تتكلم عن عيلتك فى منتدى


مش هقولك مسمحلكش تتكلم عنى فى المنتدى
لأن ناس كتير هنا فى المنتدى قابلتنى و عارفاني كويس
و كلامك كله ملوش أى تأثير على علاقتي معاهم
علاقتي معاهم الى المفروض تكون اضعف من علاقتنا

وعلشان تكون فاهم و عارف
الشخص الى انت بتتكلم عنه وبتقول انه بيكرهني
ناديته وقف جمبى وشاف كل كلمة انت كتبتها
و شاف كلامي و يمكن ساعدني فيه كمان لأني زى ماقولت قبل كدا عاجز و محتاج مساعدة

وانت عارف ان الشخص دا بيعزك
يعنى خلى بالك لـ تكون انت بجد المكروه فى العيلة

عندك القسم اعمل فيه اى موضوع

ونا مش هرد على اى موضوع تكتبه

انا الحمد لله وبشكر ربنا
اتعودت انى اكون محبوب فى العيلة بشكل كاريزمي غير عادي
و دى حاجة يمكن كونت عندك نوع من أنواع الغيرة و خلتك تكتب كدا

واتعودت انى اكون محبوب فى اى مكان اتواجد فيه



و كفايا اوى اصغر نفسى معاك لحد كدا.