اولا ً احب اشكرك على الموضوع ده بجد لانه لمس اكبر مشكلة سببتها اللعبة لمعظم الى بيلعبوها .
بس انا اتعودت انى اتكلم بصراحة وان محدش يزعل من صراحتى من غير مطول عليكم انا هدخل فى الموضوع .
اولا ً انا الى شايفة فى اللعبة دى انها مجرد لعبة بس فعلا ً انا استفدت منها مش خسرت يعنى انا كنت يوميا ً افضل نايم لحد الساعة 10 بالليل واصحى انزل واطلع البيت على الساعة 6 الصبح دلوقتى انا مش بنزل اصلا ً وده انا شايف بالنسبة ليا مفيد .
ثانيا ً حكاية انها ادمان فمن الممكن انها تكون ادمان للبعض لكن هما الى خلوها تعمل فيهم كده لانهم لو كانوا فكروا من الاول ان دى مجرد لعبة كانوا عرفوا انها مش شرط اساسى للحياة ومن غيرها هتقف لأ بالعكس دى علشان التسلية .
ثالثا ً ان اكبر استفادة انا استفدتها من اللعبة انى اتعرفت على شباب سواء عرب او اجانب بصراحة من اجدع الناس الى شوفتها فى حياتى .
رابعا ً ان اللعبة بصراحة تشد اى حد ليها مش علشان الجرافيك والحاجات دى لأ علشان بتعكس شخصيتك الحقيقة وتصورها على هيئة شخصية فى لعبة .
خامسا ً ان لو كل واحد كان نظم وقته من البداية كان عرف ان اللعبة مش خطر بالعكس دى مفيدة فى بعض الاحيان لان فى مننا كتييير كان ممكن يتجه لاى حاجة تانية زى الادمان مثلا ً علشان يضيع وقته الفاضى لكن ادينا اتجهنا لحاجة اصغر شوية ونها لعبة تضيع فيها وقتك الفاضى .
سادسا ً انا هعلق على موضوع ان احترامك بين اسرتك وعائلتك قل .....
بص يا باشا الاحترام بيبقى احترام فى اى وقت وتحت اى ظروف بمعنى مش علشان انت اهملت فى حاجة او اتنين فى حياتك بسبب لعبة او اى سبب كان ان الناس كلها هتعاملك بنوع من قله الاحترام لأ شخصيتك هى الى بتفرض على الناس يعاملوك باحترام ولو انت كنت حددت لشخصيتك مبادىء تمشى عليها من اول لما لاقيت نفسك بدات تنحدر من الاحسن الى الاقل يعنى من اول لما لعبت اللعبة مكنش حصل ده كله .
سابعا ً بقى دى اهم حاجة انا نصيحة لاى حد انوا لو شايف ان اللعبة دى هتققل من شأنه تحت اى ظروف يبطل يلعبها ويارت محدش يقول ابطلها ازاى لان الى عاوز يبطل حاجة من جواه بيعرف يبطلها والى مش عاوز بيخترع حجج واعذار لنفسه قبل ميخترعها للناس علشان ميبطلش .
وشكرا ً ليكم على الاستماع مع انى عارف انى طولت عليكم اووووووى
وتانى مرة اشكرك على فتح باب النقاش الجاد فى المنتدى .