بص يا ابنى ... الشيخ صفوت حجازى قالها ... المناقشة فى حد ذاتها مع الناس درى غلط ... عمرو خالد راحلهم نفسهم هناك واتكلم .. ولما رجع حصل الموضوع تانى عادى .. ولا كأن ليه اى احترام .. الناس دى سواء هناك فى الدنمارك أو هنا .. مش حيسمعونا عشان احنا ضعاف أوى من جوانا ... لما نبقى أمة قوية ليها هيبة محافظة على دينها .. فى نفس قوتها أيام الخلفاء الراشدين أو عهد عمر بن عبد العزيز ... والله والله قسم أحاسب عليه ... ما يقدروا حتى يبصولنا بصة وحشة .. وكلامنا يمشى عليهم سورى (بالجذمة) عشان على رأى المثل المصرى الشهير .. دول ناس تخاف متختشيش .. هما فاكرين انها حرية فكرية انهم يهينونا ويهينو دينا عشان احنا ضعاف ... لو زى ما بقول بنفس قوة زمان ... ساعتها حيقولو لأ ازاى دا المسلمين دول 100 100 وعيب نقول كدة ... انت بتتعامل مع عالم منافق من شرقه لغربه البقاء فيه للاقوى وحقوق الانسان والكلام دا مجرد حجج تافهة بيقولوها ويا عينى مصدقين نفسهم فيها :) ... والدليل ان دولة زى الصين ليها قوة اقتصادية ونووية رهيبة .. دولة دكتاتورية منيلة بنيلة والشعب متبهدل لو واحد قال كلمة على المعتقل عدل ويمكن كمان يعدموه عشان أسباب تافهة ... ولا امريكا ولا الدنمارك ولا اسرائيل تقدر تقول ليهم كلمة عشان حيترد علبهم الكلمة بـ 10 والضربة بـ100 ... والحل ان لو كل واحد فينا صلح نفسه ودينه وعمل بيه .. حنبقى حاجة تانية خاااالص .. ربنا بيسلط على الناس حكام ظالمة ومنيلة بنيلة لما تكون الناس دى ظالمة لنفسها ومقصرة فى حق الله ... احنا زعلانين عشان كلام الدنمارك ؟؟؟! ... طب بزمتكم لو الرسول صلى الله عليه وسلم عايش وسطنا دلوقتى ... ايه اللى يزعلو أكتر ؟ ... كفرة بيشتموه ؟ ولا أمته اللى نايمة وغافلة ؟؟ ... الاجابة أكيد واضحة ... وشكرا