فارس
صباح الفل يا ست الكل
الموظفة
صباح وخلاص
قصر وهات من المفيد
فارس مبتسما
لية بس المقابلة دى يا ست الكل
الموظفه
انت يا ابنى ما بتغلبش
كل يوم رايح جاى
انا فاكراك كمسرى على اتوبيس 8111
فارس
دا كلام بردوا يا ست الكل كمسرى انا كمسرى
الموظفه
ما تدخلش على دخله بتاع الفول دى
قولى عاوز اية
فارس
جايب لك اختراع انما اية يستاهل ترقية لست الكل عليه
الموظفى يا ما جاب الغراب
فارس
نظام تحويل للطاقه
تخزين الكهربا..........
الموظفه وتقاطعه
قصر يا فالح
فوت علينا 2015 زى النهاردة 10 الصبح
فارس
10.30 ما ينفعش
الموظفه بغضب
انت بتهزر
فارس
لا ابدا
بس لو اتاخرت ابعتى لى انذار على ترب الغفير
سلام يا مرحومه
المشهد الثالث
فى بيت عم عيسوى
عيسوى
خد يلا يا اللى هناك انت
الولد
نعم يا بابا
انت مش بتزاكر لة
الولد
الابلة غايبة
عيسوى
طيب يعنى هاتنجح با فقرى وتكسفنا
زوجه عيسوى
يا عيسووووووووووووى
يا عيسووووووووووووووووووى
عيسوى
جرا اية يا ام يوسف عامله دوشة لية
زوجه عيسوى
مفيش اكل فى المطبخ اعمل اية
عيسوى
انت اية يا ست انت منشار اكل
ديناصور عايش فى البيت
الزوجة
يا راجل قول الله اكبر
عيسوى
الله ياخدك ويريحنا من طفاستك
خد يلا يا اللى هناك
ويدور فى جيوبة يدور على فلوس
وفجاءة يلاقى اللى بيدور عليه
ويطلع ايدة ويبص فيها
ويقول ربع جنيه
اما نشوف هايعمل لنا اية
خد يلا هات لنا حاجة من دكان البقال
ياخد الواد الفلوس وينزل
ويرجع بعد شوية
يقولوا يا بابا يا بابا
فى اية يا ابن المفجوعه
رحت لعم ابراهيم اقول هات جبنة
وماجبتش لية يا فالح
الولد
اديته الربع جنيه
بص لة وقالى عاوز بية اية
قلت له بابا بيقولك هات جبنه
عيسوى
وقال لك اية
الولد
بيقولك تعالى الحس السكينه
العيسوى
امشى يا ابن ....
انا هاوريك
هات الربع جنيه
انت خيبان من يومك
خد يلا انت انت شكلك نبية
خد الربع جنيه دا اشترى لنا حاجة ناكلها
الولد
يا بابا يا بابا اجيب لك مصاصه
عيسوى
امشى يا عفريت يا ابن العفاريت
عيسوى
بيبص للربع جنية ويقول
ادى القدر واللى بقينا فية
خيبة قوية طب نعمل اية
مش لاقى حاجة بيه اكلها
طب اكل انا الربع جنية
طب قولى اما انت ببلاش
جاى فى جيبى بتعمل اية
يا خايب ما تجيبش مصاصه
وعامل لى فيها قال عمله
يارب تجليك كدا رصاصه
يا ابو اسم ما يهزش النمله
روح كدا وسيبنى فى حالى
يا رخيص وعامل علينا غالى
روح وسيب الجيب خالى
جيبى وعاوزو يفضالى