سبحان الله ! مفيش حد بيتاخد بذنب أخوه ...
واحد ضرب مثل وكان الرد عليه انك لو ضرب أخويا هاخد حقى منك مش من اهلك كلهم !!!
بعض الناس فى المنتديات عملوا امضاء خاصة بأهانة الجزائريين مع أن الدنمارك وأسرائيل وأمريكا بيهينونا اكتر ويوميا
ثم ان علم الجزائر عبارة عن رموز اسلامية حرام والله انكم تهينوها بالشكل ده وكمان دى اهانة للمسلمين كلهم
كمان علشان بعض الناس فى تواقيع او مفردات بيذكروها على شعب الجزائر يشبهوهم بالكفار وده محرم تكفير مسلم
زى مثلا ناس بتقول عليهم يهود او عبيد الفرنسيين او تشكيل العلم الاسلامى بتاعهم لعلم يهودى وغيره كتير هنا
سبحان الله ! مفيش حد المفروض يصدق كله ...
واحد يقول الجيش الجزائرى وواحد يقول بعتوا حرامية من السجون وواحد يقول داخلين بأسلحة والسودان ساعدتهم
كل واحد يقول أشاعة والشعب المصرى بيحب يصدق الأكاذيب اللى مفيش عليها أى دليل .. طب راجع سورة الحجرات
سبحان الله ! ناس بتقول عروض غريبة ....
سمعت من ناس فى منتديات مختلفة بتعرض عروض غريبة للأخد بالتار .. ده لو كان فيه تار أساسا !!!
مقاطعة الجزائر ليه اذا كنا مقاطعناش الدنمارك واسرائيل وغيرهم ؟ طرد الأعضاء الجزائريين ليه اذا كانوا معملوش حاجة
وكل واحد مصرى مش مسموح له ان يشتم حد الا عند الجزائريين بيتشتموا عادى جدا ولو اتكلمت يقولك منتا ايدك فى الميه !! طب وانت عينك فى الكورة ومش همك دينك والفتنة اللى بتقع مابين مسلمين معملوش حاجة لبعض !!!
سبحان الله ! سبب المشكلة بئه واضح جدا ...
أنا ببدأ بسبحان الله للأستعجاب والأنكار من فعل المصريين والجزائريين كمان علشان محدش يقولى انت شكلك جزائرى ولا ايدك فى الميه ولا حاجة .. بالعكس ! انا متحمس لكل اخواتى من مصر او من الجزائر ( المسلمين ) وبدافع وببنى احسن ماغيرى يهدم العلاقة مابين مسلمين .
وانا بعيد كلام واحد شفته بالحظ وعجبنى كلامه جدا ( باختصار شديد )
♥♥♥ ابدأ بتحية الاسلام وهى السلام
بسم الله الرحمن الرحيم " انما المؤمنون اخوة فأصلحوا بين اخويكم "
مصر والجزائر شعب واحد عربي مسلم والاسلام اكبر نعمة وكفي بها نعمة
سبب ما نحن فيه هو الاعلام الفاسد """"""""مدحت شلبي """""""مصطفى عبده""""""محمود معروف""""""خالد الغندور"""""""جريدة الشروق""""""""""",,,,,,,,,,,,,,,,,,
الكل يعمل من اجل مصلحته الشخصية فالمذيعين يرون ان الخلاف بين الجمهورين هو مادة ممتازة ليقدموا برامجهم والجريدة ترى احتدام الازمة فيه زيادة لمبيعاتها
لكن للاسف كلا الشعبين انساق وراء اعلامه الفاسد المثير للفتنة كى ينهش بعضنا بعضا كالأعداء
وكلما تصفي القلوب نجد تعليقا من شخص متعصب يزيد فى غضب الطرف الآخر ويعود الخلاف كما بدأ
وهذه دعوة طيبة للرجوع الى ديننا واسلامنا والحب بيننا دون عتاب لأن العتاب سيجلب الخلاف ثانية
قال الله عز وجل بسم الله الرحمن الرحيم
" ولا تقولوا لمن القى اليكم السلام لست مؤمنا تبتغون عرض الحياة الدنيا فعند الله مغانم كثيرة كذلك كنتم من قبل فمن الله عليكم فتبينوا ان الله كان بما تعملون خبيرا "