[egysaad]

بسم الله الرحمن الرحيم

اولا ياجماعه الكلام الى انا بكتبه هنا والله ماده علميه وجايه من مراجع وعلماء و ناس فى الحياه العمليه فياريت نهتم و انا الى مزعلني ان الناس بتهتم بحجات غريبه اوي على اي حال

ده هيكون الموضوع التالت انشالله فى سلسله يلا نتعلم الكمبيوتر

Computer System نظام الحاسب


احنا قلنا قبل كده ايه هو الحاسب الالى تعالوا بقي نتكلم شويه عن مكونات الحاسب ونظامه.

• الهاردوير Hardware : هى المكونات المحسوسه الى بيتكون منها الجهاز زي الفاره ،الكيبورد او الشاشه ......الخ
• السوفتوير Software : هو شئ مش بنحسه لكنه عباره عن التعليمات الى بتخلى الكمبيوتر يشتغل . يعني لو كتبت على الكيبورد السوفتوير مسئول انه يطلعلك الى انت كتبته.....
• انواع الكمبيوتر
• mainframe computer الكمبيوتر المركزي : هو عباره عن كمبيوتر ضخم و غالى وسريع وكفأ و بتستخدمه معظم الشركات للتحكم وممكن الموظفين يدخلوا عليه من كمبيوترات عاديه

• Super Computer الكمبيوتر الخارق : الجيوش والقوات الحربيه بتستخدمه على نطاق واسع و بيستخدم فى النشرات الجويه و فى اغراض مدنيه تانيه .....
• ال PC او ال Mac : ال PC تم اختراعه بواسطه شركه IBM سنه 1981 و التصميم الى عملته الشركه للكمبيوتر هو هو متغيرش حتي الان حتي ان فى عده تطورات بسيطه و الكمبيوتر الشخصي اول ماظهر استخدم نظام التشغيل DOS (Disk Operating System) اما حاليا فظهرت عائله الوندوز من اول وندوز 3.1 الى وندوز 7 و قريبا 8 ................قامت بقي شركه Apple عملت تصميم لكمبيوتر تاني وسمته MAC(Macintosh) وده بيشتغل بنظام تاني خالص غير الوندوز و برامج تانيه غير برامج الكمبيوتر الشخصي ودي صوره لل PCB او اللوحه الام بتاعه الماك

• Laptops -Palmtops - Tabletops : تتميز الكمبيوترات المحموله Laptops بالخفه وسهوله الحمل و بتشتغل بالبطاريات

ده لاب توب


ده Palmtop

ده Notebook


ده Mac-book


ده Table-Top


خلاص كده خلصنا نظام الحاسب....نتكلم بقي عن نظم التشغيل شويه

OS (Operating systems) نظم التشغيل

لو واحد سالني قالى ايه هو نظام التشغيل؟؟؟ اقوله ايه؟؟؟
نظام التشغيل هو عباره عن برنامج يحمل ذاتيا ( يعني لما تفتح الكمبيوتر يبدا الوندوز يشتغل لوحده) و هو بيسمح للمستخدم انه يستغل امكانيات عاليه منغير ما يعرف او يتعلم كل المعلومات عن الهاردوير .....

طيب ايه هى نظم التشغيل؟؟؟
فى نظم كتييير للتشغيل سنه 1981 من انتاج PC من شركه IBM كان مدعم بالنظام DOS وهو كان عباره عن شاشه فيها كلام وخلاص ....وبيشتغل على اساس ان المستخدم يكتب الامر وهو ينفذ وهو كان نظام معقد وزي مابيقولوا كان بيكره الواحد فى الكمبيوتر
الحاج بيل جيتس معجبوش الكلام ده قامت شركه ميكروسوفت اصدرت نظام التشغيل وندوز Windows وكان اول اصدار له Windows 3.1 وطبعا كان اسهل من ال Dos بكتيير لانه ببساطه كان بيدعم ال GUI (graphical user interface)l وهو ان المستخدم يقدر يتواصل مع نظام التشغيل بالرويه مثلا : -

فى الدوس عشان تجيب مكان معين بتكتب ال path بتاعه
انما فى الوندوز بتقعد تتكي بالفاره .....اهو بقي الايقونات وسطح المكتب والحجات دي هى ال GUI

وفى انظمه تشغيل تانيه زي اللينكس Linux واليونيكس UNIX ودي بتستخدم اكتر فى البنوك والاماكن التجاريه لانه جميله جدا من حيث انها بتتدعم الولوج (الدخول ) على مساحه من اكثر من كمبيوتر وتتميز بالسرعه فى ال Networking
ودي صوره للنظام لينكس


وفى نزل نظام مع اجهزه الماك يسمي نظام الماك وهو مش بيشتغل غير على اجهزه الماك بس ودي صوره ليه


وهو من الانظمه الى بتدعم ال GUI

وده نظام الدوس


وكده يبقي كلامي خلص واستنوني فى الموضوع الجاي انشالله هتكلم عن ال

Info Networking And Computer Security