الموضوع باين من عنوانه وهو عباره عن
اسئله (( عامه - دينيه - ثقافيه - رياضيه - علميه - شخصيه + اختبار ))
الموضوع مش هيتحدد فى عضو معين ولا حاجه
وكل موضوع ليه عنوانه وكل سؤال ليه اجاباته
المطلوب من كل عضو هيدخل يرد على الموضوع
يكتب السؤال و اجابته عليه من الاجابات الموجوده مش من دماغه
امانه من كل عضو يدخل يشوف الموضوع يترك الرد بتاعه فى داخل الموضوع فقط
وكل موضوع ليه عنوانه وكل سؤال ليه اجاباته
ونبدأ مع بعض وعلى بركه الله
عنوان الموضوع (( ليه الحياه بقت خنيقه من وجهة نظرك ))
1 - انت عامل ايه في حياتك?
> قرفان اخر حاجه
> عادي
> مخنوء شويه
> سعيد
2- لو انت قرفان او مخنوء شايف ايه السبب من وجهة نظرك?
> مفيش جديد وكل يوم زي الي قابله ومفيش حاجه تتعمل
> مش عارف
> ممكن تكون حاجه كده في الجو
> ما الناس كلها مخنوءه وقرفانه يعني هيا جت عليا
3- ايه الحل عشان تخرج من الجو ده?
> ادور علي اصحاب واحباب جداد
> اعرف ايه السبب واحاول اعالجه
> اشتغل واحاول الاقي حاجه اعملها
> مفيش حاجه اعملها وهفضل زي ما انا
4- انت حاسس انك كده لوحدك ولا كل الناس كده ?
> معتقدشي
> طبعا
> عالبا
>مش عارف
لو قابلت صاحبك ولقيته مخنوء وعاوز يقعد معاك?
> هحاول اهديه وخلاص
> هعد معاه وهحط همي علي همو
> هقله يا عم فكك مني هو انا ناقصك
> مش عارف هعمل ايه
الموضوع التانى بعنوان (( شوف قد اية دماغك متهندسة )) 
1- لو فى حريقة لا قدر الله فى الشقة بتاعتك وانت محبوس فى غرفة فيها شباك مقفول تعمل اية؟؟
> افتح الشباك و اصرخ علشان حد يساعدنى
> افتح الشباك حتة صغيرة علشان اتنفس
> اعد فى مكانى اعيط ولا اعمل حاجة لغاية ماتيجى المساعدة
> افتح باب الغرفة اية اللى هايحصلى يعنى
2- لو انت بتسال حد سؤال بس هو بيكدب عليك تعرف ازاى انه بيكدب?
> لو بص فوق وهو بيكلمنى
> لو بص فى عينى اوى وهو بيكلمنى
> لو شفته بيبص على حد بعيد
> لو بص تحت و هو بيكلمنى
3- لو انت شايف واحد عمال يهرج ويضحك وفجاة لاقيته جيلك و بيكلمك بادب?
> ابصله بقرف وارد عليه من تحت درسى
> اعامله بادب زيييه بالضبط
> اتجهله تماما علشان انا استحقرته
> اهرج معاه وارد عليه بتهريج وممكن ازقة فى النص يعنى
4- لو انت حاطيت تلاجة فى غرفة مغلقة و سبت باب التلاجة مفتوح و خرجت من الغرفة و جيت بعد شوية?
> هلاقى الجو بارد شوية
> مش هارد عليك علشان انت غتيت
> هالاقى الجو سخن شويه
> هلاقى الجو مافيهوش تغيير علشان الغرفة كبيرة و جو البارد بتاع التلاجة مش مكفى الغرفة?
5- علشان دة اخر سؤال كم حاصل ضرب 123*123?
> 15219
> 15129
> 15192
> 15912