بسم الله الرحمن الرحيم
اولا بعد احترامى الشديد ليك انت كده خبطت فى الكلام
اى نعم الرد بتاع احمد مستفز لاى واحد بس هو مقالش كده غير من اللى شافه قدامه فعلااا يعنى هو مش بيتبلى عليك
ثانيا انت بتقول انك مش بتسيب حقك ولا الرجاله بتوعك بيسيبو حقهم
احب اقولك مش انت واحدك يا ريس اللى مش بتسيب حقك
احنا ولله الحمد مفيش واحد فى ده جيم بعد حترامى للناس المحترمه بس
يقدر انه يعمل معانا اى حاجه ونسيبه
ولله الحمد برضو احنا نقدر نسكت اى بنى ادم يحاول انه يستعبط علينا ولا حاجه وناس كتيره الحمد لله عارفانا
وبعدين انت المفروض تتكسف وانت بتقول واخدينه من عندى دى :eek:
على اساس ايه اوخدينهم من عندك ؟
سارقينهم ولا ضاربينهم على ايديهم وقلنالهم تعالو معانا ؟
الناس شافو الافـضل ليهم انهم يبقو معانا وعادى دخلو لان طبيعه اى حد انه بيدور على الاحسن ليه
وبعدين لما احمد كلمك على نيستا انه بيعمل Ks عليه
وكده هو احترمك وقدرك وقال ان ليه ماستر يترد عليه
تروح انت تقوله لو قدرت عليه مشيــــــه ؟
طيب بزمتك انت ده رد يتقال من واحد كبير وعاقل زى حضرتك ؟
يعنى المفروض على الاقل من الاحترام انك تقوله انا هكلمه ولا حاجه
امال ليه لما كان واحد عندانا فى الجيلد بيعمل حاجه تيجى الناس تقول فين ماستر جست ادريم والكلام الفاضى ده ؟
ولا هو الكلام يمشى علينا احنا وانتو لا ؟
وبعد ده كله جايين تتكلمو وتقولو احنا واحنا واحنا ؟
وبعدين ايه خليك فى حالك واللى بيته من زجاج ميحدفش الناس بالطــــــوب ؟
يعنى انت بتخوفنا كده ولا ايه ؟
على العموم احنا مش بنتهدد من حد
واللى عنده حاجه يعملها
وبعدين احنا مش بنقول شعر ولا حاجه والله واللى بيعمل الكلام ده عارف نفسه اكيد
على فكره انا مكنتش عاوز اكتب الكلام ده بجد لانى بحترمك ومهما كان انت اكبر منى والمفروض انك كنت تحل المشكله دى قبل ما يحصل اللى حصل ده
بس فعلا انا مكنتش موقع منك الكلام ده