[كورابيكا]

بسم الله الرحمن الرحيم
--------------

أولاً احب أوضح نقطة ردي على الموضوع هيكون لسبب أني اتذكرت فيه اكتر من مرة من قِـبل اكتر من شخص

طبعاً انا مصدووم جداً

لأن عصام من فترة طويلة أيام خلافي الي الكل عارفه مع Adham SabrY
كان بيكلمني و بيقولي جيلد JAD كويس
و كان يقولي ادهم مش وحش
وطبعاً مهندس عصام غني عن التعريف و دايما في حاله و بيحب يكون مسالم دايماً و دي مش شهادة مني ليه
دي شهادة كل الي شاف ردوده أو مواضيعه من فترة طويلة قبل ما تحصل المشاكل دي

فـ طبعاً انا ساعتها قولت لنفسي اعيد النظر في أدهم مرة تانية و جايز ادهم مجاش عليا
و جايز انا بصيرتي فيها مشكلة و مقدرتش الموضوع بشكل جيد

بدأت اكلم أدهم مرة تانية ولكن مع الأسف ويمكن هو عارف كدا
محستش اني بتعامل مع ادهم بتاع زمان
فيه حاجز غريب بيني و بينه

أتفاجئئئئئئئ
ان الشخص
الي فهمني ان ادهم مش بيكرهني و إنه مخلص ليا
الشخص
الي دمرلي كل حساباتي زمان و حسسني اني أعمى البصيرة و أني ظلمت أدهم
هو
نفس الشخص
الي بيقر و بيعترف دلوقت انه قالي الكلام دا لمجرد إنه خاف على جيلد JAD مني

خاف ادمر الجيلد بمحاربتي سواء لأدهم أو ميدو أو أياًًً كان
و فهمني ان ادهم مخلص ليا
و إن ادهم مسك إشراف القسم علشان بس عقبال منا ارجع



طبعاً انا قبل مكتب الرد دا كلمت عصام كاتب الموضوع على الياهوو

و هو قالي انه قالي كدا زمان بس علشان خايف على جيلده مني
و إنه حس إني قادر على تخريب جيلد JAD بمحاربتي لمسئولي الجيلد

و طلب مني أسامحه على كدا و إنه كان بيكذب علشان يصلح ما بين أتنين
ونا محترم دا
و مسامحه علشان حاول يصلح بيني و بين أدهم زمان بأنه يغير نظرتي تجاهة

لكن الآن الرؤية وضحت
رفع الستار الحاجب على رؤيتي

و قررت اكلم عصام كاتب الموضوع و أقوله

يمسح الموضوع قبل ما يدخل اي مشرف يمسحه

لأن الي هيقرا الموضوع منهم التالي :

البعض لن يصدق أي كلمة ضد Adham SabrY

البعض الآخر يعرف تمام المعرفة بكل كلمة كتبها عصام ولكن مصالحه الشخصية تمنعه عن الرد على الموضوع

البعض الأخر بالبلدي كدا هيعمل نفسه مشافش حاجة, يتبع نظريه لا أرى لا أسمع لا اتكلم

و البعض الأخر بعد ما هيشوف جمله أدهم الشهيرة :
( جيلدي (أياً كان اسم الجيلد لأن الجملة دي إتقالت ايام JAD برضو) هيكمل المسيرة
هيكمل النجاح
و هنحارب و محدش هيقدر يوقفنا
و ربما تلدغ الحشرة جواداً أصيلاً
و تبقى الأسود أسوداً و الكلاب كلاباً ...إلى آخره)

طبعاً أي عضو هيشوف الكلام الحماسي أوييييي دا
و هيشوف الثقة الذاااااايدة أوي دي
مع كام رد من بعض الأطراف زي العضو MiDo

هيدخل بكل بساطة و يقول يعيش أدهم يعيش.. يعيش

دا فعلا الي بيحصل
و اشك ان الي بيرد الرد دا أصلا فهم الموضوع بيدور حول ايه من الأساس !

فـ في النهاية الموضوع ليس له قيمة عند القارئ
لأن الأشخاص الي تستحق التقدير ( معظمها ) على علم بكل كلمه كتبها عصام Hyphoon

فـ ملوش لازمة كتابة مواضيع

و ملحوظة انا بكن كل الإحترام و التقدير لجيلد EGYPT و أعضاءه
و بقولهم اني كنت احد مؤسسي الجيلد دا زمان
و سعيد انه بيكبر تاني للمرة التانية و بيعيد النصر مرة أخرى
و اني انا الي مصمم صورة الجيلد كمان كـ نوع من أنواع الدعم

علشان بس ميتقالش اني بحارب الجيلد
دا والله ما صحيح أبداًً

كمان يا عصام فيه مثل بيقول لما تتخانق مع حد متروحش تضربه قدام بيته
دي معلومة انا عرفتها متأخر للأسف

من ساعت ما شوفت قدرة أدهم المزهلة في التأثير على إدارة المنتدى
لحد أما عرفت سبب عزلي الحقيقي من الإشراف
و الي هو مش اني طلبت العزل
لأ هو سبب تاني
تقريبا نفس الي حصل معاك لما ادهم راح بلغ انك كتبت رد فيه لفظ سئ
لكن مكانش ادهم بعينه الي اتسبب في عزلي
ولكن كان ليه يد
و دا كلام ادهم مش كلامي :)
الشخص الي قام بالدور البطولي إنه خايف على قسم سيرفر ألبس في غياب المشرف كورابيكا
هو زي ما بيقول بلسانه
MiDo
ميدو بيقول الكلام دا مش انا

المرء على دين خليله
فعلاً جملة حكيمة كانت غايبة عني الفترة الي فاتت

كان مفروض اقولها لأدهم لما كان بيقولي انت ليه يا كورابيكا بتاخدني بـ ذنب ميدو ؟

المرء على دين خليله يا أدهم
انتم الأتنين واحد

ميدو اتسبب في عزلي
انت اتسببت في عزل عصام

و في النهاية كلها لمصالح شخصية

مصلحة ميدو يخلص من كورابيكا الي قال ميدو مينفعش يكون ماستر
و كمان علشان يعين المساعد الرسمي ليه و هو أدهم صبري


مصلحة ادهم يخلص من عصام علشان يرد على إساءه عصام ليه و مهاجمته ليه الغير مباشرة دايماً

مصالح مصالح مصالح

و هكذا تدور الأيام
مش عندنا في السيرفر بس

لأأ دي في جميع أنحاء العالم


آسف على الإطالة ولكني كتبت الرد طويل بالشكل دا علشان إتفاجئت
بكلام أدهم ليا على الياهو
الي كان معناه اني انا الي دفعت عصام علشان يكتب الموضوع دا !!!

أو اني كنت الراعي الرسمي لهذا الموضوع

و دا فعلاً محصلش و كنت اتمنى إنه يحصل علشان أكون أول الردود مش آخرها

آخر نقطة بالنسبة للبرنت بتاع الجلوبال
انا كلمت ادهم ساعتها
و كان ادهم فعلاً و كتب إسم المنتدى الي هو إداري فيه في الجلوبال و كتب love كورابيكا بعد ما كلمته



تحياتي عصام Hyphoon و متستغربش ان محدش جاه في صفك
و تأكد 100% ان فيه ناس كتيرة شافت موضوعك و مؤمنة بكل كلمة بتقولها ولكن مصالحها بتمنعها من الرد
ردهم على موضوعك كان على شات الياهو مش على صفحات المنتدى :)



وداعاً قسم سيرفر ألبس
كالعادة ظهوري داخل القسم بيكون للضرورة القصوى
و سأظل كذلك إن شاء الرحمن