اصحابى و اخواتى اعضاء المنتدى الى زى العسل
انا لقيت نفسى مخنوق و انا على المنتدى علشان اخويا الصغير كل شويه و انا على المنتدى يطلب طلبات مستفزه
شويه تلقاه عمال يزن و يقول ( معباز سغل كاتون ) الترجمه ( معتز شغل الكرتون ) و طبعا انا مضطر اوافق و الا البيت كله فوق دماغى
شويه كمان و تلقاه عمال يلعب فى الجهاز من واره و محسسنى انو ولا احسن كهربائى فى المنطفه
و انا عمال اقوله يابنى ارحمنى و حسيت ان الموضوع قلب على فيلم عبود على الحدود و بقوله ياد كلمنى راجل لراجل
و طبعا فى الاخر كلام الاخ نور الى هو اخويا الضغر بيمشى
و برده و انا بكتب الموضوع اديه عمال يزن ( معباز اوم سغل الكاتون )
