[michilvxv]

المشاركة الأصلية كتبت بواسطة mig25 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

القصة حصلتلى بجد من حوالى 3 سنين انا كنت نازل اجازة الصيف فى مصر و بعد استراحة من السفر اسبوع و الدى قرر بقى يجربنى فى حكاية الاعتماد علىا بشكل كلى بصفتى الولد الوحيد فى العائلة و الاخ الاكبر و بدا يبعتنى شغل تبعه فى حتت كتيرة و كنت برجع ابوس ايده و اقوله كفاية انا خلاص قربت اقلب القرد ميمون طبعا طلوع من البيت 7 صباحا ارجع اتغدى فى البيت و ساعات اتغدى فى الشارع و المشاوير كعب داير اسكندرية بالقاهرة ببنى سويف ببرج العرب على سيدى كرير لحد ما لقيت نفسى فى السلوم

تبدى الحكاية لما والدى قالى فى شغل تبعه بس فى امانة المفروض انه يخدها من واحد زميله قولت بس انا برائة قالى لا بس انت اللى حتجيبها سالته فين قالى بنى سويف و ياريته ما قالى قلت بس تمام حعدى على واحد صاحبى بعد ما اخلص المصلحة دى و اقعد معاه شوية و بعدين امشى بعيدا عن ان سنى صغير بالنسبة لناس بس بالنسبة لابويا انا بقيت شحت و عالة عليه و تسميع الاسطوانة المشروخة لما اغلط فى حاجة او انسى حاجة نبدا اليوم اللى خلانى اقعد 3 ايام فى المستشفى 3 ايام فى انهيار عصبى تام رحت محطة القطر كاى مواطن عادى وركبت و تنزلت فى القاهرة و بعدين ركبت قطر الصعيد الاتفاق انى حروح للراجل دا اللى معايا عنوانه و اخد شوية الورق اللى معرفش فى ايه و اللى والدى طلب منى انى مفتحوش ابدا حتى لو اخر ثانية فى عمرى لان دا اسرار شغله و لان كان لسانى فالت اوى ساعتها ووصلت للراجل بعد ساعتين تدوير على عنوانه لحد ما كنت حسب مليون تيييييت للناس اللى بتدينا العنوان غلط اخدت الورق مكنش فيه وقت اشوف صاحبى دا اساسا ورجعت تحديدا قبل محطة القطر ب 1 كيلو سعادتى فاكر الصعيد بلد الامان و نسيت ان فى مصايب بتحصل ايمها التار نزلت اربط جزمتى كويس و بصيت و ياريتنى ما بصيت و كانت الدنيا ضلمة و كان فيه قهوة قدامى بحولى 200 متر و الاقى حد وقع فوقيا و مات و بيطلع فى الروح ((عمرك شوفت ميت بدم طالع من زوروا قبل كدا بجد مش فيلم و الاقى ناس جاية بتجرى عليا انا وانا واقف بتفرج على الميت و دمه على التيشرت اللى لسه جايبه من توكيل ديزل بس مش عارف اعمل ايه اجرى و لا اقف و مفيش 4 متر و لقيت نفسى ميت انا كمان و الحمد الورق متاخدش لانى كنت حاطه فى الهدوم من قدام صحيت لاقيت ابويا فى وشى و الدكتور بيقول الحمد لله عديت على خير و ابويا بيقول الورق فين يا زفت طبعا ادور لا الورق و لا الموبايل و لا المحفظة و اى حاجة كانت معايا و الحمد لله ان المستشفى اخد
وا الحاجة اللى معايا و هما بيدوروا على اى حد يتصلوا بيه و شالوا الحاجة ((عمار يا مصر )) طبعا انا فاكر ان احنا يوم الاتنين اتفاجئت ابويا بيقولى النهاردة الخميس يا بورم بس السؤالاللى سالته هو الراجل الى مات مين ووقع ليه عليا انا بالذات و*** التيشرت بتاعى ليه؟ و هو مات ليه ؟ و عشان ايه ؟ لحد ما الدكتور الله يخرب بيته نصح ابويا ان يودينى لدكتور امراض عصبية ؟ ((بقيت مجنون )) بس الحمد لله هى كانت صدمة من المنظر بس بجد عمرى ما شفت حد بيموت قبل كدا و اللى عرفته بعد كدا ان القتيل كان عليه تار فى المنيا
بس هما قتلوه فى بنى سويف ليه ؟؟؟؟

شكرا للقصه يا مان