[engma101]

بسم الله الرحمن الرحيم

السلام عليكم ورحمة الله وبركاته

دلوقتى واحد محترم عامل موضوع مهم جدا وبيتكلم عن مشاكل كتير وعرض الموضوع بشكل مميز وطرح اكتر من نقطة للنقاش ومع ذلك بجد اعضاء (مميزين) و(نشطين) و(بتاع وشاى بالنعناع) بيردو بكلمة شكرا ,,, وكل ده عشان يتكرموا وياخدوا نقط واساميهم تتلون من غير ما يكونوا فاعلين ,,, طيب الراجل الى تعب نفسه وعمل موضوع محترم وطرح وجهة نظره وارهق نفسه يبقى اكيد غلطان ,,, ايوة غلطان عشان انا من رأيي طالما انتو ردودكم كده مكنش يتعب نفسه ,,, كان يخش يقول كلمتين حامضنين ويحيي مشرف ولا اتنين ويلم كلمتين من هنا على افشتين من هنا ويعملكوا السليمة ,,, دا الى انتوا عاوزينه ولا انا غلطان,,,



على الرغم انى معترض على وجهة نظر صاحب الموضوع الا انى قريت موضوعه كويس وشاركت عشان حسيت انه بيتكلم بروح طيبة وشكرا لكل من شارك برأيه واتمنى كلنا نشارك عارفين ليه لانى فى غربة وكلامه عن الإهانة انا عيشته واقع وشفت المصريين ازاى ترتيبهم اقل من اجناس كتير وربنا يهون علينا ,,,



انا عضو هنا من فترة بس مكنتش بشارك كتير غير لما ادخل احمل لودر او برنامج للعبة:bruce_h4h0: وقت ما كنت بلعبها بس لما لقيت موضوع محترم شاركت ,,,



يا ريت مكنش تقلت على حضاراتكوا وارجوا اننا نكون منصفين فى التعامل مع الأعضاء المجتهدين


وتحياتى للقسم ولكل المنتدى الى بحبه الصراحة وياما افدنى لما كنت بلعب سيلك رود

وربنا يوفق الجميع

والسلام عليكم ورحمة الله وبركاته

لا اله الا انت سبحانك انى كنت من الظالمين