[KING_0F_DEATH]

بسم الله الرحمن الرحيم

انا عندى فكرة صغيرة كدة بس هى كبيرة جدا بالنسبة ليا

انا كنت بقترح اننا نعمل حاجة زى الرقابة اللى فى الافلام كدة ويبقى دورها هنا تعديل المشاركات والمواضيع وليس حذفها أو غلقها لان انا بجد حزين من المشرفين هنا لاى سبب حتى لو كان تافه يقولك يغلق الموضوع والمصيبة يكتب لا تعليق طيب ما تعلق يا عم وفهمنا يمكن احنا فهمنا تقيل شوية أو يمكن نكون مبنفهمش والمصيبة الكبرى ان فى موضوعات جميلة اوى فعلا ولكن المشرف باشا علشان شاف غلطة واحدة فى موضوع كامل يقوم يغلق الموضوع كلة ويغلقة طيب ليه كدة ؟؟؟ احنا بشر مش ملايكة وكلنا بنغلط دة مش عيب بس المهم نستفيد من اخطائنا , المفروض بقى يا حضرات المشرفين ان الغلطة بس هى اللى تتشال مش الموضوع كله الا بقى لو الموضوع كلة من اولة لاخرة شتايم وانا معتقدش انه ممكن يحصل أبدا ولا أية كنت بقرا مرة موضوع كدة واحد عملة للاهلى وكان الموضوع جامد بجد يمكن علشان انا اهلاوى بس مش معنى كدة ان مشرف يدخل الموضوع ولمجرد انه زملكاوى يتحجج ويقولك لا تعليق الموضوع يغلق طيب ليــــــــــــــــــــــــــــــــــــــه ؟؟ انا عارف ان الموضوع كان فيه غلطات بس مش كبيرة كانت ممكن تتمسح بدون ما يغلق الموضوع ولا المشرفين هنا بيحبو يرسمو شوية ويحبو يمارسوا سلطتهم .

بصراحة انا حزيـــن بجد والله ومش عارف ليه كدة
ممكن حد يجاوب عليا بس يا ريت تكون اجابة منطقية
------------------

للعلم انا عندى فكرة تانية عايز اعرضها بس مستنى أشوف الوضع فى الفكرة دى

مش دا موضوعك ..؟؟

اولا ..اسم الموضوع بيخلي الواحد يتنرفز,, (( يارب نفهم)).<< دا اسم موضوعك ,,,المهم انا حعلق على كل كلمه

انا عندى فكرة صغيرة كدة بس هى كبيرة جدا بالنسبة ليا

تحت امرك ^_^

انا كنت بقترح اننا نعمل حاجة زى الرقابة اللى فى الافلام كدة ويبقى دورها هنا تعديل المشاركات والمواضيع وليس حذفها أو غلقها لان انا بجد حزين من المشرفين هنا لاى سبب حتى لو كان تافه يقولك يغلق الموضوع والمصيبة يكتب لا تعليق طيب ما تعلق يا عم وفهمنا يمكن احنا فهمنا تقيل شوية

اولا.. دور الرقابه اظن الي احنى قايمين بي..
ثانيا.. الاسباب الرئيسيه لغلق الموضوع.. مكرر..تافه!!..((معني تافه..انو لا هيودي و هجيب ..افهمهالك بالبلدي ..يعني لاحيقدم ولا حيأخر ,,)) ..هتك الاديان...عدم الالتزام بالقوانين...

ثالثاً .. كل مشرفين بعيداً بيكتبو سبب الغلق ... اذا كان مكرر او تافه.او..او.. الخ ..

والمصيبة الكبرى ان فى موضوعات جميلة اوى فعلا ولكن المشرف باشا علشان شاف غلطة واحدة فى موضوع كامل يقوم يغلق الموضوع كلة ويغلقة طيب ليه كدة ؟؟؟

اولا ..احنى مش بشوات ..ولو عايزن نكون بشوات عادي مفيش مشاكل ..

ثانيا ..في مواضيع ..جميله ..ولاكن تكون فيها بعض المخالفات..دور المشرف انو يشيل المخالفات ..ولو تحب اجيبلك موضوع جامد بس فيه بعض المخالفات.. المشرف اتصرف وحذف الموضوع المخالف ...

احنا بشر مش ملايكة وكلنا بنغلط دة مش عيب بس المهم نستفيد من اخطائنا

حد قلك احنى ملايكه,, واحب اقولك الملايكه برضو بتغلط..ربنا بس الي ميغلطش ^^

المفروض بقى يا حضرات المشرفين ان الغلطة بس هى اللى تتشال مش الموضوع كله الا بقى لو الموضوع كلة من اولة لاخرة

والله هو دا الي بيحصل ..

ولمجرد انه زملكاوى يتحجج ويقولك لا تعليق الموضوع يغلق طيب ليــــــــــــــــــــــــــــــــــــــه ؟؟ انا عارف ان الموضوع كان فيه غلطات بس مش كبيرة كانت ممكن تتمسح بدون ما يغلق الموضوع ولا المشرفين هنا بيحبو يرسمو شوية ويحبو يمارسوا سلطتهم

اولا..يا برنس اكيد المشرف شاف في غلطه في الموضوع ..
انا لقيتك كاتب انو 007 الغلقو
. ..007.. دا من احسن وافضل المشرفين الموجودين.. اكديشاف حاجه تستاهل انو يغلق .. وانا عارفو كويس ميعملش حاجه زي كدا..

ولا المشرفين هنا بيحبو يرسمو شوية ويحبو يمارسوا سلطتهم .

هههههه... تصدق حلوه !! شكلنا شغالين بنظام واسطه تظبني اظبطك ...

اخر حاجه اقولهاك ...

انا لو مكان سوبر مان كنت هحذف الموضوع....

علاشان انت بتتريق ,,,