[Joe_dirt_2010]

استعنى على الشقى بالله ^^

1- تزود في int بس اللي هوة mp الازرق يعني لأن الويزارد محتاج قوة ومش محتاج دم وتلبس robe عشان بيزود السرعة 20% وبيقلل نسبة استهلاك الmp 20% وبيذود دفاعك ضد ضربات الماجيك لكن طبعا اقل في الدفاع عن الضربات الفيزيكال


2- افتح كل حاجة في ضربات الويزارد ما عدا ground charge - root - ground rave - mesh root - mana drain - mana drought

لكن ممكن تفتح ال(mana drain وال mana drought) يعني براحتك بس هية مش مهمة غير في الpvp بالذات عشان تضرب الدرع الصيني المقرف بتاع المانا

وبالنسبة لضربات الكهربة كلها ال lighting mentalist series انا شايف انك ماتفتحهاش وتسيب الsp معاك احسن لانها مش بتفيدك للدرجة يعني والنار والتلج والزلزال كفاية اوي وممكن بعد كدة تفتحها في اللفلات العالية لما الsp بتاعك يكتر وتعمل جاب بقى وكدة لكن على العموم لو فتحتها ماتفتحش فيها lighting shock - lighting impact لأنهم مش مفيدين غير في الpvp وفايدتهم عبيطة شوية هية بتشل اللي قصادك بس نسبة نجاحها عليه 80%

وطبعا الاسكلات اللي فوق اللي هية مش ضرب اصلا يعني اللي بتذود مسافة الضرب واللي بتقلل استهلاك الmp واللايف كنترول اللي هية الforce mentalist series دول لازم تفتحهم طبعا اساسي اساسي يعني


3- انت لحد لفل 20 ممكن بعد لما ترجع المدينة ترجع لنفس المكان اللي مت فيه عن طريق اختيار معين لكن من بعد لفل 20 لازم ترجع وتمشي يا اما حد يعملك ريس يا اما يكون معاك اتيم كدة بيتباع بسيلكات بيرجعك للمكان اللي مت فيه


4- اماكن التلفيل بصراحة انا معرفهاش في السيرفر بتاعك لكن هقولك دور انت وحاول تلاقي ناس تتصاحب عليهم في السيرفر هيفيدوك اكتر


5-شخصية الويزارد من اقوى شخصيات الهجوم لكن طبعا من اضعف الشخصيات في الدفاع ومبدأك كويزارد لازم يكون (اضرب اول واخلع) لأن الويزارد اهم حاجة عشان ينجح في هجومه انه يبدأ هوة بالهجوم وعدوك اللدود في اللعبة هوة الوريور عشان بيضرب فيزيكال عالي وكريتك وبيوقعك ( من الاخر لو الوريور بدأ بالهجوم يبقى الويزارد خسران 95%) لكن بالنسبة لان الويزارد سريع في التلفيل دة صح لو انت مظبط الكليرك كويس عشان الوحوش ماتموتكش كل شوية وكمان عشان الويزارد من اسرع الضربات لكن لو انت مش مظبط الكليرك كل شوية هتموت وهتتلفل بالعافية

6- اما عن الكليرك مع الويزارد فهو البف المثالي معاه لانك محتاج دفاع وhp وبالنسبة للسكلات اللي تفتحها في الكليرك خليك في الحاجات اللي بتعملها عليك يعني تزويد الدم والدروع وكدة لكن البفات اللي بتروح لما تشيل السلاح ديه مش مهمة اوي غير في البارتي بس وانت بتساعد صحابك وبتلاقي مكتوب عليها required cleric rod يعني لازم تكون ماسك الكليرك عشان تفضل موجودة وانا شايف انك ماتفتحهاش وفيه مواضيع في القسم التعليمي عن الكليرك والحاجات اللي المفروض تفتحها فيه مع الويزارد تقدر تقراها


7- التاكسي دة عبارة عن ان شخص لفله عالي بيعمل بارتي مع اللفلات القليلة بس لازم تكون exp auto share عشان يدخلهم exp وبكدة هوة بيلعب والباقي بيتفرج عليه بس وبيتلفلو في وحوش عالية يعني تلفيل بسرعة من غير ما يتعبو نفسهم لكن طبعا دة بيكون بفلوس ما عدا كل فين وفين لو حد عمل تاكسي free بيكون مثلا نجح في الامتحانات او النهاردة فرح اخته او اي حاجة كدة يعني تخليه يبقشش ع الناس ^^ والتاكسي تقدر تدخله من حرف e وتختار التاكسي اللي انت عاوزه وبيكون مكتوب سعر الساعة كام وتروح تدفع وتتلفل



بس كدة يا سيدي واي اسألة تاني تحت امرك

يللا سلاحف وبالتوفيق