[Salamah]

فكرة الموضوع ممكن تكون سخيفة من نظر اغلب الاعضاء و ممكن الاقي انتقاد زايد عن اللزوم :D

ما علينا ... الموضوع و ما فيه اني عايز اتعرف بالاعضاء الي موجودين على سيرفر باسيفيك شخصيا

يعني مش صورة الكراكتر اللي في اللعبة .. الشخصية اللي بتلعب بيها

هي مين ؟ اسمها ايه ؟ شكله ازاي ؟ سنه كام ؟ بيدرس ايه ؟ ايه هواياته ؟ بيشتغل ايه ؟ ... إلخ

و يفضل تحط صورة حقيقية :p علشان نشوفلك عروسة هههه ... إحم المهم

تقريبا انا شرحت الفكرة ... و انا حأبتدي بتقديم نفسي و صورتي الحقيقية أهي:



ده طبعا و انا قاعد مخنوق من الترافيك لوووول ما علينا :D

اسمي الحقيقي محمد سلامة بس اغلب الناس بتناديني سلامة بسبب انه اسم محمد شائع و كتير جدا

فبنادوني بسلامة علشان يعني الاسم مش منتشر اوي عندي 21 سنة و بدرس إدارة أعمال و نظم معلومات

بأكاديمية السادات ... هواياتي كتيرة جدا بس اكتر وحدة بحبها هي كتابة القصص الخيالية و الرسم

و التصميم الفوتوغرافي و طبعا بهتم بالالعاب الاونلاين و سيلكرود مش اللعبة الوحيدة اللي بلعبها :) في كذا وحدة بس بلاش اذكرهم لأحسن يقولوا

انا بعمل دعاية و بتاع و يطردوني من المنتدى :p من صفاتي الشخصية اني شديد الانطوائية

و هادئ الاعصاب غالبا زي ما بقولوا حاطط ايدي في مية باردة :p و سريع الانفعال بس في نفس الوقت سريع الهدوء

و من النوع اللي بيتنرفز بسرعة اوي و بهدى بسرعة و لا كأنه حصل حاجة ... -.-

المهم ده يعني شوية معلومات عن شخصيتي الحقيقة لو شفت إقبال على الموضوع ممكن أكمل :D

يلا الدور عليكم :p يا ترى عندك الجرأة انك تعرف نفسك ؟