[AbdElLatif]

أكيد وزارة التربية و التعليم

علشان التعليم هو سبب كل حاجة

خد عندك مثال

اليابان........ يوم ما إتضربت بالقنابل الذرية

عملوا إيه علشان يقوموا تاني على رجليهم و يبنوا إمبراطورية علمية كبيرة

إهتموا بالتعليم

قالك إحنا نهتم بالأطفال لأن دول هما اللي هيقوموا بالبلد قدام

و أول خطوة أخدوها هي التعليم

و أهه مفيش 50 سنة بقوا عاملين إزاي..... بعد ما كانوا على الجنط

وكمان شوفوا إسرائيل........أي نعم دولة صهيونية بنت جزمة..... لكن عندهم تعليم تقيييييل

علشان كده متقدمين

و أنا مش مع عمر في الفكرة اللي قالها دي

أصل علشان تحط كل الأطفال في مدرسة لمدة 3 شهور

ده حبس ولا السجن

على كده في ال3 شهور دول تبقى البلد للكبار فقط و ميبقاش فيه عيال في الجناين ولا الشارع

لأ طبعا ما ينفعش

هو اللي ينفع تغيير نظام التعليم

أنا لو بقيت وزير التعليم.......... هفجر الوزارة بموظفينها و روتينها بمناهجها

و أبنيها من أول و جديد على نضافة

و نغير المناهج المتخلفة

و هعمل فرع خاص بتنسيق الكتب علشان الكتب اليومين دول شكلها يقفل أصلا الواحد قبل ما يقول يا رحمن يا رحيم

و هرجع الضرب في الدارس تاني عشان العيال مبقاش عندها خشى و بقت بتبجح في المدرسين

ده أنا على أيامي كان الواد اللي بقول لزميله يا معفن

كان بيتنفخ........... دلوقتي بقى الله يرحم

و المدرسين بقوا

و المدرسين بيقعدوا يدخنوا في المدرسة و ييجوا بالشبشب و الجلابية و إوعى وشك ممكن تلاقيه جاي علشان طابخين في المدرسة لحمة

آه والله بتحصل في الأرياف الكلام ده

ربنا يتوب علينا يا رب

قولوا آمين