[Hell Knight2]

على فكرة موضوع هايل

بس انا مش هرد على الاسئلة لان الاعضاء اللى قبلى ردت احسن

انا عايز اقول حاجة بس ان فى حرب اكتوبر كان الجندى المصرى بيوقف قدام دبابة و دا لانه شجاع و عنده ايمان بالله و بيحب وطنه و مستعد يضحى بنفسه من غير ما يفكر و اهم حاجة الشباب زمان كان لسه بصحته ^_^ ايام اكتوبر كان حال البلد احسن من دلوقتى و حال الشباب احسن
شوفوا بقى احنا دلوقتى عندنا ايه من الحاجات اللى فاتت

و طبعا من مواقف كتير فى الحروب اثبتت ان مش بالاسلحة و لكن بالجنود اللى بتحارب فكروا كدا بقى لو احنا حاربنا مين بقى اللى هيحارب الشباب اللى معندهوش انتماء لوطنه لدرجة انه بيفضل يموت فى البحر عن انه يقعد فى البلد ولا الشباب اللى مش لاقى شغل ولا مش لاقى يتجوز ولا ولا لو قعد اتكلم هتكلم من هنا للصبح

انا من رأيي احنا ماينفعش نحارب اسرائيل دلوقتى لان الشباب لو حارب هيبقى عمل كدا مش علشان مصر هى امى و نيلها جوا دمى و الكلام دا لا هيعمل كدا علشان يموت شهيد

يبقى بلاش نحارب اسرائيل و نلعب مع بعض اخوات حلوين و نصدرلهم غاز وحديد واللى هما عوزينوا و محدش يقلق على الشعب الفلسطينى احنا بندعيله

اسف على الاطالة