الموقع العربي الاول للعبة Silkroad Online - عرض مشاركة واحدة - هل معنى ان تصل لمستوى اعلى الا تنظر لمن هم اقل منك؟(موضوع للمناقشة)

**Hawkaaa** · 09-09-2010, 10:29 PM

بعد نزول لفل 110 و الحمد لله ناس كتيرة عدت اللفل ده و عايشين احلى حياة لانهم في اعلى لفل و كده فيه حاجة نسوها تماما

اللفلات الصغيرة سواء في الجيلد او اليونيون او الاصحاب

مع الاسف الشديد تلت تربع اصحاب اللفلات العالية (خصوصا المصريين) بيحتقروا جدا اللفل الصغير و فين و فين على مايفكروا يساعدوهم فايه الاسباب اللي بتدفع اصحاب اللفلات العالية انهم ميساعدهمش في اتلفيل

هل مشغول ؟ اعتقد ان مش كل الوقت بتلفل فيه يعني ممكن نقول نص اليوم او تلت تربع اليوم بتلفل و الربع اللي فاضل بي في بي و الجوب و عمل التاكسيات في قايمة الانتظار(فين و فين على مايعملهم)

هل معاكش بوت؟ طب متقدرش تقعد ساعة او نص ساعة في بارتي تلفلو و بعد كده تسيبو يمسك الماستر و هوا ينظم البارتي بعد منك؟

هل انت بتحتقر اللفلات الصغيرة؟ لو على كده يبقى من حقو يحتقرك لما يطلع اعلى منك في يوم من الايام

امال ايه السبب؟

هل عشان عيال صغيرة؟ مع مرور الوقت هيكبروا سهلة اوي يعني

______________________________

متنساش انت كنت لفل 1 زمان و كنت ياما بتطلب بارتي ولا تاكسي عشان تعلى فهل معنى كده ان يجي الوقت اللي تبقى فيه على مستوى عالي و تنسى اللي اقل منك؟

شوف الاتراك و الالمان بيساعدوا بعض ازاي؟ في حين ان احنا كمصريين فين و فين على مانفكر نساعد بعض!!!!

احنا مع الاسف متدهورين في كل حاجة في الجيم

اللعبة بالنسبة للمصري معناها تظبط نفسك و طيح في اللي قدامك

معندوش حاجة اسمها تعاون

معندوش حاجة اسمها متعة لعب

المفاهيم دي تلقاها عند الاترك و الالمان و غيرهم بس مش مصريين او عرب حتى

اتقوا الله شوية يا اصحاب اللفل العالي و ساعدوا الصغيرين في الجيلد على انهم يطلعوا زيكم

_______________________________
ملحوظة انا مش بقول الكلام ده عشان انا حصلي الموضوع ده انا لفل 94 و داخل على 95 و الحمد لله لكن انا بحس بزعل اصحاب اللفلات اللي اقل مني و بحس بالضيق اللي هما فيه

كمان انا اعتبر اصغر لفل في الجيلد اللي انا فيه لانو مش بيقبل غير 100 و اطلع بس نظرا اني صاحب قديم لجيلد ماستر فهوا دخلني معاه