[Just_Warrior]

روحت الكلية
لقيتهم معلقين بلالين
و مشغلين DJ و أغانى للواد اللى اسمو جابر حسنى اصدى تامر حسنى
طبعا كان اول تعليق ( فرح مين دا يا رجالة)
صاحبى قالى ( الدكتور بتاع المحاسبة فرح امه النهاردة و احنا جاين نعمل معاه الوجب ونظبط الفرح)
و طبعا الواد صاحبى دا من العيال اللى لما تقولك كلمة فى ودانك ممكن يجيلك طرش من صوته
وبما انة واد منحوس من يومة كان الدكتور معدى جمبنا و سمعو
و الحمد لله رمانا كلنا برا الكلية وقالنا مشفش خلقة حد فيكم يدخل المحاضرة بتاعتى