بسم الله الرحمن الرحيم
يا جماعة هي فعلا قضية وقضية كبيرة ولازم يكون لينا وقفة معاها بجد والله مش كلام
اسيبكم مع الحديث الشريف ده
سيأتى زمان على أمتي
قال رسول الله صلى الله عليه وسلم:
(توشك ان تداعى عليكم الامم كما تداعى الاكلة الى قصعتها) قيل (اومن قلة نحن يومئذ؟) قال (بل انتم كثير ولكن كغثاء السيل ويوشك الله ان ينزعن المهابة من صدور اعداءكم وان يقذف فى قلوبكم الوهن) قيل (وما الوهن؟) قال (حب الدنيا وكراهية الموت)
احب اوضح حاجات في الحديث
طبعا (تداعى عليكم الامم كما تداعى الاكلة الى قصعتها) بمعنى تأتي مسرعة وهو جمع للناس ع قصعتها زي صينية الاكل كده وانتوا طبعا هاتفهموا التشبيه
طبعا الشق الثاني من الحديث يعتبر خلاص مش يوشك لا بالعكس هو اتحقق بالفعل
امريكا والدول الاوروبية اللي خلاص بقيت تتحكم في البلاد الاسلامية والعربية زي العرايس الخشبية والاحتلال والتطبيع
واحنا مشغولين بهيفا وروبي واللي حصل في ماتش الجزائر
فأنا بعتبر ان الحديث تحقق بالفعل
وبرده يوجد حديث اخر
اللي مضمونه بيقول ( ان الماسك ع دينه كالماسك ع جمر من نار )
وده برده انا بعتبره تحقق
مين منا دلوقتي مش بينافق .. بيكذب .. تارك للصلاة .. ... ...
ومين دلوقتي بيقول الحق لو ع رقبته .. مين بينصر الحق ويبطل الباطل .. يقاطع المنتجات الصهيونية اللي الواحد مش لاقي لها بديل في حياته .. مش في بيته تلفزيون اللي قال عليه فتنة وابليس والعياذ بالله
الخلاصة انا مش بقول كده علشان اقول ان انا الوحيد اللي كويس وكل الناس مش كويسة
لا اغلبية الناس مش معظمها بالفعل تحقق فيهم المضمونين بتوع الحديثين السابقين اذا مكانش اغلبية الناس اللي بتلعب سيلكرود هنا في المنتدى كمان
برده مش عامل فيه واعظ ولا بقولك سيب اللعبة علشان محدش يهاجمني
المهم يا جماعة ان امريكا وبعض دول الغرب شهدنا لهم مساوئ كثيرة في الاونة الاخيرة
مثل .. ( حرق المصاحف ) الله يحرق قلبهم ويحرقهم في جهنم يارب واللي اتعمل للحدث ده يوم موحد سنويا زيه زي عيد الاستقلال وعيد الفصح عندهم وهو هايبقى يوم 11/9 وهما بيقولوا كده تذكيرا للحدث المشهور
(رسم بعض الصور الكاريكترية لرسولنا الكريم ) شلت يداهم باذن الله ومش بقت بعض .. ده ممكن اي حد عندهم بيعرف يرسم ويلخبط يقعد يعمل كده .......... ةغيره وغيره وغيره
اللهم انصر المسلمين ع اعدائك اعدائ الدين يارب العالمين .... اللهم امين
وفي ختامي يارب يا جماعة ننصر الله بصلاتنا وصلاتنا ع النبي والحفاظ ع دينا والتمسك بيه زيه زي سيلك رود كده بالظبط ولو نكون حتى من اضعف الايمان ومنكونش من المنافقين يا جماعة
والسلام عليكم ورحمة الله وبركاته