بوصو يا شباب الواحد أتحرق دمه فى الماتش ده بجد وكان صعبان عليه جداً أبوتريكه وهو بيسب مركزه كصانع ألعاب ويرجع للدفاع وفى أواخر الشوط الثانى من كتر ما حارس النيجر مش عايز يجب الكورة أبو تريكه بنفسه هو الى راح جبهاله ده شئ محزن جداً
أبو تريكه بجد بين معده الاصيل للبلد دى وانه بيحب بلده بجد وهو قالها ( من غير المعقول أنى بطل أفريقيا ميدخولش البطولة دى )
لأنه عيب قوي أنى بطل أفريقيا ثلاث مرات متتالية وينهزم من فريق
فى التصنيف العالمى 196 وحضرتك التاسع عالمياً
بس للأسف نقول ايه هى ده الكورة المصرية ومش أول مره نحط نفسينا فى الموقف ده
المباراه دى هما أثنين بس الى لعبوا فيها ( أبو تريكة وعصام الحضرى ) بقيت اللاعيبة ولا عندها روح الانتماء لبدها خالص ولا كأننا فى تصفيات خالص مباراة عادية بالنسبلهم أتمنى من الكابتن حسن شحاته يراجع أوراقه تانى من جديد
ويكون عنده نظره أكبر فى أختيار اللاعيبة الاجدر بحمل فنلة منتخب مصر أقصد بطل أفريقيا
والحمد لله سيراليون تعادلت مع جنوب أفريقيا ودى مصلحه للمنتخب
ملحوظة : سيناريو تصفيات كاس العالم 2010 بتتعاد تانى الجولة الاولى تعادل على أرضك ووسط جمهورك والجولة الثانية هزيمة خارج أرضك ومطالب بالفوز فى الاربع مباريات القادمة
أتمنى من الله التوفيق بإذن الله للمنتخب فى مشوارة بتصفيات كاس الامم الافريقية