[amr174747]

بسم الله الرحمن الرحيم


انا جايبلكم انهردة شعر اسمه عشان انت مصري
تأليف الاستاذ بتاع العربي في المدرسة بس هو بصراحة
عجبني ف قولت لازم اجيبه في المنتدي ويارب
يعجبكم



عشان انت مصري !!!

عشان انت مصري ...لازم تعاني
وتفقد كرامتك بكل المعاني
وتحرق في دمك سنين مش ثواني
واوعي تصدي كلام الاغاني
بتاع الحضارة وكاني وماني
دة كله هجايص ما يدخل وداني
عشان انت مصري العذاب بيناديك
بتبدأ في يومك حاجات بترازيك
في نومك في قومك تعكنن عليك
تضايقك ولسه العماص في عنيك
مفيش مية تشطف صابونة في ايديك
وجسمك ملزق وريحتك عاديك
فتلبس وتنزل وفيك اللي فيك
ورايح لشغلك حتحاج موصلة
ادي المترو واقف وكهربته فاصلة
وفي الميكروباص خناقة وحاصلة
اوتوبيس فراملة عايزلها وصلة
وتوك توك دة تايه ومحتاج لبوصلة
بتوصل لشغلك بدم اتحرق
في زحمة وكتمة وحر وعرق
رئيسك سايبلك كومة ورق
دة غير دمغة ضايعة وملف اتسرق
وفيه كام مواطن عمللك قلق
بيشكي تقول له روح اندعق
وعركة وهوجة وشاي اندلق
ومخ خلاص! م الصداع اتفلق
هترجع لبيتك دة لو كان فيه بيت
هتوصل هتندم ياريتك ما جيت
مراتك بتصرخ خلاص استويت
عيالك بتطلب وهات كيت وكيت
تزعق تهاتي يا ناس اتهريت
ولا حد سامعك مهما هتيت
عشان انت مصري ودة للاسف
فلازم تقاسي تعيش تتقرف
وكل الاساسي في حياتك ترف
فتنسي الكرامة وتنسي الشرف
وتسرف وتنصب او تنحرف
ودمعك بيجري وجرحك نزف
مش انت اللي مصري؟؟؟؟؟؟؟؟؟؟؟؟؟؟
جاتك ميت قرف



ايه رأيكوا يا جماعة يا رب يكون عجبكم
مستني الردود بقي
:j ump: